Вы тут

Міністэрства аховы здароўя растлумачыла рашэнне аб выдачы тэрапеўтамі бальнічных кантактам 1-га ўзроўню пры наведванні пацыентаў з COVID-19


Міністэрства аховы здароўя растлумачыла, чаму было прынята рашэнне аб надзяленні тэрапеўтаў правам выдаваць бальнічныя лісты кантактам першага ўзроўню пры наведванні пацыентаў з COVID-19, паведамляе БЕЛТА са спасылкай на начальніка аддзела гігіены, эпідэміялогіі і прафілактыкі Міністэрства аховы здароўя Іну Карабан.


«У адпаведнасці з пастановай Саўміна № 705 ад 7 снежня 2020 года, службовыя асобы арганізацый аховы здароўя, якія прыходзяць дадому да хворага на каранавірус, могуць вызначыць кантакты першага ўзроўню, якія знаходзяцца там, і адначасова выдаць ім бальнічныя лісты», — адзначыла Іна Карабан.

Яна патлумачыла, што такое рашэнне дазволіць знізіць нагрузку на паліклінікі. Медыкам, якія наведваюць хворых у хатніх умовах, не прыйдзецца паўторна прыходзіць у гэтыя ж ачагі, але ўжо да кантактаў першага ўзроўню, пасля таго, як урачы санітарна-эпідэміялагічнай службы іх пацвердзяць. Маніторынгавая група паліклінікі можа сама вызначыць круг кантактных асоб і адразу выдаць ім бальнічныя лісты.

Прадстаўнік Міністэрства аховы здароўя нагадала, што цяпер у мінскіх паліклініках адмененыя планавыя прыёмы. З аднаго боку, гэта дасць магчымасць зменшыць нагрузку на арганізацыі аховы здароўя, з другога — паменшыць колькасць кантактаў паміж пацыентамі, некаторыя з якіх, у прыватнасці, бессімптомныя носьбіты, могуць стаць крыніцай інфекцыі для навакольных. Гэта рашэнне адменяць, як толькі палепшыцца сітуацыя па COVID-19.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Гэты тыдзень вельмі ўдалы ў плане кар'еры і любові. Могуць паступіць прыемныя дзелавыя прапановы. Калі вы сканцэнтраваныя і ўважлівыя, то забяспечаны поспех, прычым такі, на які нават не разлічвалі. Цяпер час выканання жадання, вырашэння праблемы, якая хвалюе даўно. Да канца тыдня прыйдзе адчуванне радасці, спакою і гармоніі.

Грамадства

Як нармалізаваць артэрыяльны ціск?

Як нармалізаваць артэрыяльны ціск?

Сёння ў кожнага пятага дарослага чалавека ў свеце дыягнастуецца павышаны крывяны ціск.