Вы тут

Калекцыя Мірскага замка захоўвае старадаўнія сталовыя прыборы з Германіі і Францыі


Вышэйшая знаць у пачатку XIX стагоддзя асаблівую ўвагу надавала этыкету за сталом. Дадзеныя правілы паводзін тычыліся абсалютна ўсіх удзельнікаў сумеснага прыёму ежы.


Сталовы набор

Многае залежала ад таго, якому святу прысвечаны званы абед ці вячэра. Напрыклад, гэта магло быць вяселле, хрышчэнне або дзень нараджэння. У залежнасці ад нагоды рассаджваліся госці і падбіраліся сталовыя прыборы.

Нязменным заставалася толькі адно правіла — заўсёды на чале стала сядзеў гаспадар, справа ад яго — жонка, а злева — самыя важныя і паважаныя госці.

Лічылася, што посуд распавядае ўсё аб матэрыяльным становішчы сям’і. У багатых людзей сталовыя прыборы былі срэбнымі. Прычым для трапезы, якая ўключае комплекс страў, выкарыстоўваліся не толькі звыклыя нам нож, лыжка і відэлец.

Да званай вячэры падаваліся ўнікальныя стравы, для паглынання якіх выкарыстоўваліся асаблівыя сталовыя прыборы. Некаторыя з іх захоўваюцца ў калекцыі музея «Замкавы комплекс „Мір“».

Там можна ўбачыць унікальныя відэльцы для крабаў, створаныя ў Германіі ў XIX стагоддзі. Па-нямецку яны называюцца «Krabbengabel» і маюць выгляд доўгіх відэльцаў з двума зубцамі, якімі даставалі мяса.

Прыбор для крабаў

Яшчэ адно важнае набыццё — відэлец і лыжка для марынадаў, алівак або саленняў, вырабленая таксама ў Германіі ў той жа час. Імі асабліва лёгка захопліваць гародніну з высокіх слоікаў.

Набор для марынадаў

Самым каштоўным з экспанатаў з’яўляецца сталовы набор з 4 прадметаў у футарале. Ён быў створаны французскімі майстрамі ў XIX стагоддзі. Некаторыя дэталі лыжак і відэльцаў выкананы з кітовага вуса. Здзіўляе таксама форма сталовых прыбораў, вырабленых у выглядзе некаторых лясных жывёл.

Не менш дарагім з’яўляецца фруктовы набор у футарале, які прыбыў таксама з Францыі XIX стагоддзя. Звычайна такія прыборы падавалі да садавіны.

Па словах Наталлі Кавалевіч, навуковага супрацоўніка музея «Замкавы комплекс „Мір“», асобнай экспазіцыі, прысвечанай сталовым прыборам, у замку няма. Яны з’яўляюцца часткай калекцыі «Матэрыяльная культура», прысвечанай прадметам побыту.

Дэсертны набор

Нагадаем, што Мірскі замак працягвае працаваць у звычайным рэжыме з 10:00 да 18:00 без выхадных дзён.

Аліса СКІБА

Выбар рэдакцыі

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.

Грамадства

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Галоўнаму хормайстру Вялікага тэатра 27 жніўня споўнілася 70 гадоў. 

У свеце

У «чорнай» зоне. Чаму Літву захліснула пандэмія?

У «чорнай» зоне. Чаму Літву захліснула пандэмія?

Уся Літва трапіла ў «чорную» зону заражэння каранавірусам. 

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.