Вы тут

Бальніцы вяртаюцца да звыклага рэжыму


Міністэрства аховы здароўя прыняло рашэнне аб далейшым перапрафіляванні бальніц. Маніторынг паказвае, што эпідэмічная сітуацыя дазваляе пераводзіць іх у звыклы рэжым работы. Пра гэта паведамілі ў прэс-службе ведамства.


У Мінскай гарадской клінічнай бальніцы № 1. Фота БелТА.

Таксама вырашана пашыраць планавую дапамогу, у тым ліку ў паліклініках. Будуць прынятыя меры па ўзмацненні захавання сацыяльнага дыстанцыявання, у тым ліку ў месцах масавага знаходжання, у калектывах, месцах гандлю і грамадскага харчавання. Працягнецца эпідэмічны маніторынг з мэтай адсочвання штамаў.

Пры гэтым міністр аховы здароўя Дзмітрый Піневіч паставіў задачу інтэнсіфікаваць прышчэпачны працэс супраць каранавіруса і актуалізаваць графікі пастаўкі лекаў. Дарэчы, маніторынг паказаў, што медустановы забяспечаны лекамі і сродкамі індывідуальнай аховы. Створаны іх запас дазваляе забяспечыць работу арганізацый аховы здароўя ў сярэднім на працягу больш чым двух месяцаў. Спецыялісты працягваюць работу па далейшым набыцці неабходнага высокатэхналагічнага абсталявання і лекавых сродкаў.

У Брэсцкай вобласці праведзена дэзынфекцыя тэрапеўтычнага аддзялення Іванаўскай ЦРБ. Цяпер уся цэнтральная раённая бальніца працуе ў звычайным рэжыме. Плануецца, што з 2 лютага вернуцца да звыклай работы Столінская і Драгічынская ЦРБ. Чакаецца пераход на работу ў планавым рэжыме і ўсёй Ляхавіцкай цэнтральнай раённай бальніцы.

З 29 студзеня прымае пацыентаў па профілі Віцебская гарадская цэнтральная клінічная бальніца, а з 3 лютага прыступіць да работы ў звычайным рэжыме Віцебская гарадская цэнтральная клінічная бальніца № 1.

У Гродзенскай вобласці ў апошнія дні студзеня перайшлі на работу ў звычайным рэжыме кардыялагічнае аддзяленне ЦРБ у Лідзе, кардыялагічнае аддзяленне ў Навагрудскай ЦРБ, аддзяленне паталогіі цяжарнасці і хірургічнае аддзяленне ў Дзятлаўскай бальніцы, а таксама хірургічнае аддзяленне ў Ашмянскай ЦРБ. Прымаюць пацыентаў без COVІD-19 спецыялісты педыятрычнага аддзялення Карэліцкай ЦРБ, тэрапеўтычнага аддзялення Свіслацкай ЦРБ, а таксама частка аддзяленняў Іўеўскай ЦРБ.

У звычайным рэжыме з 29 студзеня працуе Гомельская гарадская клінічная бальніца. З канца мінулага тыдня адкрыты тэрапеўтычныя аддзяленні ў Рэчыцкай і Ельскай цэнтральных раённых бальніцах. Акрамя таго, прымаюць профільных пацыентаў спецыялісты ў аддзяленнях педыятрыі, рэабілітацыі і неўралогіі ў Жлобінскай ЦРБ. Адкрыта таксама кардыялагічнае аддзяленне ў Мазырскай цэнтральнай гарадской паліклініцы. З 1 лютага пачнуць прымаць профільных пацыентаў неўралагічнае і тэрапеўтычнае аддзяленні Веткаўскай цэнтральнай раённай бальніцы.

Аналагічная сітуацыя і ў Мінскай вобласці. З 1 лютага пачынае прыём пацыентаў у планавым рэжыме Атолінская бальніца і тэрапеўтычны корпус Мар'інагорскай цэнтральнай раённай бальніцы. Мінскі абласны цэнтр медыцынскай рэабілітацыі і Жодзінская цэнтральная гарадская бальніца з 1 лютага стануць прымаць пацыентаў кардыялагічнага профілю. Барысаўская цэнтральная раённая бальніца правяла дэзынфекцыю і гатовая з 1 лютага прымаць пацыентаў отарыналарынгалагічнага профілю.

У сталіцы з 1 лютага прымае пацыентаў па профілі гарадская клінічная бальніца № 1. Пачынае работу ў звычайным рэжыме і тэрапеўтычны корпус бальніцы хуткай медыцынскай дапамогі.

З канца мінулага тыдня адкрыта для профільных пацыентаў кардыялагічнае аддзяленне Магілёўскай абласной клінічнай бальніцы. Вяртаецца да работы ў звычайным рэжыме фтызіятрычнае аддзяленне Магілёўскага абласнога супрацьтуберкулёзнага дыспансера. У планах да 8 лютага правесці поўную дэзынфекцыю і адкрыць для пацыентаў гематалагічнае аддзяленне ў Магілёўскай абласной клінічнай бальніцы і артапедычнае аддзяленне ў Магілёўскай бальніцы № 1.

Алена КРАВЕЦ

Выбар рэдакцыі

Грамадства

Гродзенскі заапарк без страт выходзіць з зімоўкі і рыхтуецца да новага сезона

Гродзенскі заапарк без страт выходзіць з зімоўкі і рыхтуецца да новага сезона

Літаральна нядаўна з'явіўся і першы ў гэтым годзе прыплод.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.