Вы тут

УНС апраўдвае агучаныя напярэдадні форуму чаканні — Кунцэвіч


Усебеларускі народны сход апраўдвае чаканні, агучаныя напярэдадні форуму. Такое меркаванне выказаў БелТА намеснік кіраўніка Адміністрацыі Прэзідэнта Беларусі Андрэй Кунцэвіч.


Фота: БелТА.

«Я мяркую, што УНС апраўдвае тыя высокія чаканні, якія былі агучаны напярэдадні форуму. Глыбокі і па змесце, і па эмоцыі даклад Прэзідэнта, цікавыя выступленні дэлегатаў, гарачыя дыскусіі ў кулуарах — усё гэта робіць форум яркай падзеяй, да якой прыкавана вялікая ўвага жыхароў нашай краіны, экспертнай супольнасці як унутры Беларусі, так і за мяжой», — лічыць Андрэй Кунцэвіч.

Ён дадаў: «Як мне думаецца, галоўная задача форуму — не толькі вызначыць стратэгію развіцця нашай дзяржавы, але і ўмацаваць яго духоўна-каштоўнасны падмурак, умацаваць веру ў нашу краіну і яе народ». Намеснік кіраўніка Адміністрацыі Прэзідэнта падкрэсліў, што вельмі важна ўключыць у рашэнне наяўных праблем шырокае кола людзей, якія шчыра рупяцца за паступальны рух наперад.
На думку Андрэя Кунцэвіча, выклікае здзіўленне той факт, што кіраўніцтва апазіцыйных партый не адгукнулася на запрашэнне аргкамітэта УНС, «сутыкнуўшы сябе тым самым на абочыну палітычнага жыцця». «І яны яшчэ выступаюць за нейкае развіццё партыйнай сістэмы! Як можна выступаць за неабходнасць дыялогу і пры гэтым яго пазбягаць?» — адзначыў ён.

Андрэй Кунцэвіч звярнуў увагу на тое, што на форуме гучаць розныя пункты гледжання, часам дыяметральна супрацьлеглыя. «Таму відавочна, што ў рэдакцыйнай камісіі сходу будзе шмат працы, перш чым вынесці на суд дэлегатаў праект выніковай рэзалюцыі», — сказаў на заканчэнне ён.

Выбар рэдакцыі

Грамадства

Які хлеб любяць у Беларусі?

Які хлеб любяць у Беларусі?

У савецкія часы гандаль прапаноўваў пакупніку абмежаваны асартымент хлебабулачных вырабаў. У 1980-я нават у буйных крамах было ўсяго 3-4 найменні хлеба.

Грамадства

Дыхаць на поўныя грудзі. Міфы і праўда аб мамапластыцы

Дыхаць на поўныя грудзі. Міфы і праўда аб мамапластыцы

Прадстаўніцам прыгожага полу заўсёды хочацца нешта змяніць у сваёй знешнасці. І часам жанчыны рашаюцца на кардынальныя крокі.

Культура

Арганізатар імпрэз Дзіяна Краснашапка: Сёння людзі знаходзяцца ў сваіх коканах, але ж для таго і існуюць танцы ды спевы, каб здымаць стрэс, негатыў

Арганізатар імпрэз Дзіяна Краснашапка: Сёння людзі знаходзяцца ў сваіх коканах, але ж для таго і існуюць танцы ды спевы, каб здымаць стрэс, негатыў

Яна ўпэўнена сябе адчувае і ў нацыянальным строі, калі робіць цеста для вясельнага каравая, і ў блакітным футры Снягуркі, калі праводзіць ранішнік для дзетак, і ў шыкоўнай сукенцы пэўнай эпохі, калі выконвае аўтэнтычныя беларускія спевы пад гукі старажытных музычных інструментаў.

Грамадства

Паразуменне падчас капрамонту: праз штрафы ці дамаўленне?

Паразуменне падчас капрамонту: праз штрафы ці дамаўленне?

Культура выканання работ падчас капрамонту ў Беларусі кульгае, а тэхналогія — парушаецца, сведчаць спецыялісты Дзяржбуднагляда.