Вы тут

У выдавецтве «Чатыры чвэрці» пабачылі свет дзве новыя кнігі Сяргея Трахімёнка


У мінскім выдавецтве «Чатыры чвэрці» пабачылі свет адразу дзве новыя кнігі вядомага беларускага празаіка Сяргея ТРАХІМЁНКА.


Літаральна ўся творчасць пісьменніка, мовай якога як празаіка з’яўляецца руская, прасякнута сацыяльна-палітычнымі перыпетыямі, што характарызуюць грамадства ў постсавецкай прасторы. Сяргея Трахімёнка, відавочна, цікавіць адказ на пытанне: «Якім будзе заўтрашні дзень?» І таму літаратар пранікліва, глыбока, са спадзяваннем высветліць ісціну зазірае ў сутнасць многіх грамадскіх і палітычных канфліктаў.

«Набеліат» — твор пра гучную і адначасова супярэчлівую тэму, пра тое, што стаіць, на погляд аўтара, за фарміраваннем спіса намінантаў і за самім рашэннем, каму і па якіх крытэрыях прысуджаць Нобелеўскую прэмію ў галіне літаратуры. Ужо сам пачатак твора насцярожвае... Пісьменнік Крамар атрымлівае ад выдаўца Замяціна прапанову стаць лаўрэатам Нобелеўскай прэміі... Перагарніце першыя старонкі — і вы патрапіце ў сапраўдны «мастацкі дэтэктыў», напоўнены рознымі выпрабаванні з пункту гледжання сумлення і маралі. Раней «Набеліат» быў надрукаваны ў расійскай «Роман-газете».

Дарэчы, і другі раман, выдадзены ў «Чатырох чвэрцях», — «Калі хвост віляе сабакам», быў спярша надрукаваны ў чсасопісе «Роман-газета». Праўда, пад іншай не меней красамоўнай назвай — «Сын прэзідэнта». У творы — пра тое, як у адной цэнтральнаазіяцкай краіне сын выступае ў ролі аналітыка, сацыёлага і займаецца падрыхтоўкай і правядзеннем перадвыбарчай кампаніі бацькі. У знак удзячнасці і ацэнкі сваіх старанняў атрымлівае... тэрмін пакарання ў некалькі гадоў.

Застаецца дадаць, што Сяргей Трахімёнак — доктар юрыдычных навук. Аўтар чатырох дзесяткаў кніг прозы, пятнаццаці сцэнарыяў фільмаў для мастацкага і дакументальнага кіно. Лаўрэат прэстыжных літаратурных прэмій. І ў Беларусі, і ў Расіі. Шмат друкуецца ў «тоўстых» расійскіх літаратурна-мастацкіх часопісах: «Сибирские огни», «Наш современник», «Подъем», «Дон» і іншых.

Кастусь Лешніца.

Выбар рэдакцыі

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах. 

Грамадства

Ва ўстановах адукацыі чакаюць сваіх абітурыентаў

Ва ўстановах адукацыі чакаюць сваіх абітурыентаў

Вызначыцца з выбарам прафесіі і месцам навучання можна да 7 жніўня ўключна.

Спорт

«Максім сказаў і зрабіў». Бацькі і трэнеры пра алімпійскі поспех Максіма Недасекава

«Максім сказаў і зрабіў». Бацькі і трэнеры пра алімпійскі поспех Максіма Недасекава

У сераду ў Мінск вярнуўся бронзавы прызёр Алімпійскіх гульняў у скачках у вышыню Максім Недасекаў.

Грамадства

Рэгістрацыйныя карткі для таксістаў

Рэгістрацыйныя карткі для таксістаў

А яшчэ нармальны рабочы дзень, адпачынак і права на «бальнічны»...