Вы тут

У Беларусі плануюць за пяць гадоў знізіць энергаёмістасць ВУП не менш чым на 7%


У Беларусі плануюць за пяць гадоў знізіць энергаёмістасць ВУП не менш чым на 7%. Пра гэта паведаміла на прэс-канферэнцыі начальнік аддзела аналізу і прагназавання развіцця энергазберажэння Дэпартамента па энергаэфектыўнасці Дзяржстандарту Іна Елісеева, перадае БЕЛТА.


«Важнейшыя паказчыкі ўстойлівага развіцця энергетыкі Беларусі — зніжэнне энергаёмістасці ВУП і павелічэнне долі аднаўляльных крыніц энергіі ў агульным спажыванні краіны. Яны ўвайшлі ў дзяржпраграму „Энергазберажэнне“ да 2025 года. Калі ў мінулай пяцігодцы былі не вельмі высокія паказчыкі па зніжэнні энергаёмістасці ВУП (1,2 %), то ў наступнай мы ставім сабе задачу знізіць гэты паказчык не менш чым на 7% да ўзроўню 2020 года», — сказала Іна Елісеева.

Паводле яе слоў, мяркуецца, што павелічэнне выкарыстання мясцовых паліўна-энергетычных рэсурсаў будзе ў асноўным забяспечана за кошт аднаўляльных крыніц энергіі. «Па прагнозах, здабыча ўласнай нафты і газу не будзе павялічвацца ў наступнай пяцігодцы. Такім чынам, аднаўляльныя крыніцы энергіі (адна з асноўных — біямаса, драўняная паліва) будуць драйверам развіцця», — адзначыла прадстаўнік Дэпартамента па энергаэфектыўнасці Дзяржстандарту. У прыватнасці, у Беларусі нарошчваюць вытворчасць пелет.

У планах таксама павелічэнне выкарыстання камунальных адходаў. Іх прадугледжваецца перапрацоўваць і выкарыстоўваць на энергакрыніцах або ў выглядзе RDF-паліва на цэментных заводах. Разглядаецца праект па вытворчасці электраэнергіі на базе завода па спальванні смецця пад Мінскам.

«Што тычыцца энергіі ветру, сонца, тыя аб’екты, якія мы пабудавалі ў мінулай пяцігодцы, будзем эфектыўна выкарыстоўваць. Развіццё гэтых напрамкаў будзе працягвацца, але не так актыўна. Яно будзе адбывацца па квотах», — дадала Іна Елісеева.

Плануецца, што доля аднаўляльных крыніц энергіі ў валавым спажыванні паліўна-энергетычных рэсурсаў у Беларусі ў 2025 года дасягне 8%.

Выбар рэдакцыі

Грамадства

Якую небяспеку нясе экспрэс-дыета?

Якую небяспеку нясе экспрэс-дыета?

 Варта разумець, што дыеты такога тыпу — радыкальны метад, які мае шмат мінусаў.

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.