Вы тут

На Камісіі па справах непаўналетніх пры Савеце Міністраў абмеркавалі меры прафілактыкі дзіцячай злачыннасці


«Статыстыка мінулага года і звесткі па лютым бягучага сведчаць пра зніжэнне росту злачынстваў, якія здзейснілі непаўналетнія, па выніку лютага — на 5,6 працэнта. У тым ліку зніжаецца колькасць выпадкаў прыцягнення непаўналетніх да ўдзелу ў злачынствах, — расказаў перад пасяджэннем камісіі журналістам намеснік прэм'ер-міністра Ігар Петрышэнка. — Тым не менш нас гэта не расхалоджвае».


На пасяджэнні, якое часткова праходзіла ў рэжыме анлайн, разгледзелі вынікі арганізацыйных і прафілактычных мерапрыемстваў, якія прымаюцца па ўсёй вертыкалі функцыянавання Камісіі па справах непаўналетніх ад раёнаў да рэспублікі. Удзельнікі нарады абмеркавалі дадатковыя меры для выпраўлення дзяцей і падлеткаў, якія ўжо парушылі закон. Была прааналізавана работа па абмежаванні доступу непаўналетніх да дэструктыўных інтэрнэт-сайтаў.

Прадстаўнік Міністэрства аховы здароўя звярнуў увагу на барацьбу з алкагалізмам і наркаманіяй у маладзёжным асяроддзі. Яшчэ адзін пункт парадку дня сустрэчы — пытанні працаўладкавання юнакоў і дзяўчат.

«Гэта важны элемент, бо аналіз паказаў, што большую частку злачынстваў моладзь здзяйсняе ў выхадныя дні», — адзначыў Ігар Петрышэнка.

Комплекс прафілактычных мер, па яго словах, даў магчымасць знізіць злачыннасць сярод непаўналетніх.

«У апошнія гады нам удалося дабіцца пэўных пазітыўных вынікаў у папераджальна-прафілактычнай рабоце. Гэтаму садзейнічала ажыццяўленне комплексу выхаваўча-прафілактычных і арганізацыйна-практычных мерапрыемстваў, якія праводзяцца ў адпаведнасці з канцэпцыяй бесперапыннага выхавання дзяцей і навучэнскай моладзі, розных рэгіянальных комплексаў мер і праграм прафілактычнай накіраванасці. Усё гэта аказала ў цэлым пазітыўны ўплыў на стан і дынаміку злачыннасці», — канстатаваў намеснік прэм'ер-міністра.

У сувязі з гэтым Ігар Петрышэнка лічыць, што дадатковых мерапрыемстваў, комплексаў мер і праграм такога характару на сёння ўжо не патрабуецца, а неабходна сканцэнтравацца на якасці іх выканання, на ўвазе да кожнага дзіцяці.

«На змест выхаваўча-прафілактычнай работы, безумоўна, паўплываюць новыя нормы Кодэкса аб адміністрацыйных правапарушэннях, якія ўступілі ў сілу 1 сакавіка бягучага года, і ў першую чаргу прымяненне мер выхаваўчага ўздзеяння да непаўналетніх, вызваленых ад адміністрацыйнай адказнасці. Гэта патрабуе ад суб'ектаў прафілактыкі якасна новых падыходаў папераджальна-прафілактычнай работы», — падкрэсліў віцэ-прэм'ер.

Замест штрафу — тлумачэнне заканадаўства, публічнае прабачэнне, загладжванне віны, абмежаванне ў нейкіх мерапрыемствах (па рашэнні суда да 30 дзён). Намеснік прэм'ер-міністра назваў усё гэта важнымі элементамі дэкрыміналізацыі адміністрацыйнага і крымінальнага заканадаўства ў адносінах да падлеткаў.

«Гэта значыць, мы даём яшчэ адзін шанц, каб тыя маглі выправіцца, — сказаў ён. — Разам з тым закон узмацняе адказнасць бацькоў і апекуноў за паводзіны дзяцей, у тым ліку за прыцягненне на несанкцыянаваныя мерапрыемствы. Ёсць адпаведная карэкціроўка Кодэкса аб адміністрацыйных правапарушэннях. Гэта таксама ў полі зроку нашай камісіі».

Вольга МЯДЗВЕДЗЕВА

Загаловак у газеце: Папярэдзіць кожнае дзіця

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.