Вы тут

Аляксандр Лукашэнка прыляцеў у Азербайджан. Прэзідэнты Беларусі і Азербайджана сустрэліся за нефармальнай вячэрай


Прэзідэнт Беларусі Аляксандр Лукашэнка ўвечары 13 красавіка, прыбыў з візітам у Азербайджанперадае БелТА.


Аляксандра Лукашэнку ў аэрапорце сустракала ўрадавая дэлегацыя Азербайджана і беларускія чыноўнікі, якія прыляцелі ў Баку напярэдадні. Пасля невялікага цырыманіялу кіраўнік дзяржавы сеў у аўтамабіль і накіраваўся на сустрэчу з Прэзідэнтам Азербайджана Ільхамам Аліевым.

Прэзідэнты абмяркуюць асноўныя напрамкі беларуска-азербайджанскіх адносін і стратэгічныя пытанні двухбаковага супрацоўніцтва. «Асноўная ўвага будзе нададзена пашырэнню гандлёва-эканамічнага ўзаемадзеяння і напаўненню супрацоўніцтва новым зместам. Бакі разгледзяць пытанні прамысловай кааперацыі, рэалізацыю бягучых і перспектыўныя праекты ў галіне вытворчасці і паставак прадуктаў харчавання, перапрацоўкі сельскагаспадарчай прадукцыі. Закрануць і не менш актуальныя тэмы: супрацоўніцтва ў ахове здароўя, навукова-тэхнічнай, адукацыйнай і турыстычнай сферах», — паведамляла напярэдадні прэс-служба Прэзідэнта Беларусі.

Першая сустрэча двух лідараў арганізавана ў фармаце нефармальнай вячэры. Як паказвае практыка, часам за падобнымі перамовамі ўдаецца вырашыць больш пытанняў, чым падчас афіцыйных паседжанняў. «У нефармальнай абстаноўцы кіраўнікі дзяржаў абмяркуюць асноўныя напрамкі беларуска-азербайджанскіх адносін і стратэгічныя пытанні двухбаковага супрацоўніцтва», — паведамлялі раней у прэс-службе кіраўніка дзяржавы.

Але ўсё ж традыцыйна цэнтральнай падчас візітаў заўсёды з’яўляецца афіцыйная частка перамоваў. Яна запланавана на сераду. Сустрэча прэзідэнтаў пройдзе ў палацы «Загульба», які з’яўляецца часткай рэзідэнцыі азербайджанскага лідара. Яна была пабудавана яшчэ ў 2008 годзе ў аднайменным пасёлку на беразе Каспійскага мора. За савецкім часам тут размяшчаліся ўрадавыя дачы.

Перамовы кіраўнікоў дзяржаў спачатку пройдуць у вузкім складзе, у іх таксама прымуць удзел міністры замежных спраў. Затым да іх далучацца астатнія члены дэлегацый, якія будуць абмяркоўваць ужо профільныя пытанні. «Асноўная ўвага будзе нададзена пашырэнню гандлёва-эканамічнага ўзаемадзеяння і напаўненню супрацоўніцтва новым зместам. Бакі разгледзяць пытанні прамысловай кааперацыі, рэалізацыю бягучых і перспектыўныя праекты ў галіне вытворчасці і паставак прадуктаў харчавання, перапрацоўкі сельскагаспадарчай прадукцыі. Закрануць і не менш актуальныя тэмы: супрацоўніцтва ў ахове здароўя, навукова -тэхнічную, адукацыйную і турыстычную сферы», — адзначалі ў прэс-службе Прэзідэнта Беларусі. Кіраўнікі дзяржаў таксама абмяняюцца меркаваннямі па актуальных пытаннях міжнароднага парадку дня.


У мінулым годзе тавараабарот паміж Беларуссю і Азербайджанам наблізіўся да паўмільярда долараў. Азербайджан увайшоў у топ-15 найбуйнейшых гандлёвых партнёраў Беларусі. З 2007 года на Гянджынскім аўтамабільным заводзе дзейнічае зборачная вытворчасць прадукцыі беларускага машынабудавання. За час супрацоўніцтва на азербайджанскай тэрыторыі сабрана больш за 11,5 тыс. беларускіх трактароў, а таксама каля 3,5 тыс. адзінак тэхнікі МАЗ, «АМКАДОР», «Белкамунмаш» і «Гомсельмаш».

Беларусь удзельнічае ў мадэрнізацыі чыгуначнай інфраструктуры Азербайджана, пастаўляючы сучасныя пасажырскія цягнікі і лакаматывы Stadler беларуска-швейцарскай вытворчасці.

Фота БелТА

Прэв'ю: t.me/pul1

Выбар рэдакцыі

Фінансы

Як засцерагчы сябе ад крадзяжу грошай з карткі?

Як засцерагчы сябе ад крадзяжу грошай з карткі?

У I квартале 2021 года было зарэгістравана звыш 800 крадзяжоў грошай праз інтэрнэт, гэта ў 4,5 раза больш, чым за такі ж перыяд год таму.

Грамадства

Спытайце пра радзіннае. Як раней адзначалі Радаўніцу?

Спытайце пра радзіннае. Як раней адзначалі Радаўніцу?

На пытанне чытача адказваюць Янка Крук і Аксана Катовіч.

Палітыка

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Прэзідэнт: сцяг і герб Беларусі адлюстроўваюць нацыянальную ідэю народа — імкненне да незалежнага і мірнага жыцця

Урачысты рытуал ушанавання дзяржаўных сцяга і герба праходзіць у Мінску з удзелам Аляксандра Лукашэнкі.