Вы тут

Нас чакае яшчэ адзін мокры тыдзень


Ну і што, да канца мая застаўся роўна тыдзень, але паводле папярэдняга прагнозу ўжо відаць, што ў метэаралагічнай летапісе ён застанецца адносна халодным. Але больш за ўсё апошні месяц вясны расшчодрыўся на ападкі. Дажджы і навальніцы чакаюцца ў нашай краіне і на гэтым тыдні, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У аўторак удзень умовы надвор’я зноў стануць вызначаць франтальныя раздзелы. На большай частцы тэрыторыі краіны пройдуць кароткачасовыя дажджы. Месцамі прагрымяць навальніцы. Вецер прагназуецца паўднёва-ўсходні парывісты, месцамі моцны парывісты. Максімальная тэмпература паветра ад плюс 17 градусаў да 23 цяпла.

Атмасферныя франты, якія рухаюцца ў бок суседніх раёнаў Расіі, будуць вызначаць надвор’е на нашай тэрыторыі ў сераду. Будзе шмат аблокаў. На большай частцы нашай краіны пройдуць кароткачасовыя дажджы, уначы і раніцай у асобных раёнах ёсць верагоднасць моцных дажджоў. Месцамі прагрымяць навальніцы. Вецер прагназуецца паўднёвы з пераходам на заходні парывісты. Тэмпература паветра ўначы складзе 8–14 градусаў вышэй за нуль, удзень — ад плюс 14 градусаў па паўночным захадзе да 22 цяпла па паўднёвым усходзе краіны.

Дажджлівае надвор’е чакае нас і ў чацвер. У гэты дзень у нас будзе гаспадарыць няўстойлівая паветраная маса, якая паступае з Заходняй Еўропы. Чакаецца пераменная воблачнасць. Месцамі пройдуць кароткачасовыя дажджы, удзень у асобных раёнах навальніцы. Уначы і раніцай месцамі магчымы слабы туман. Вецер прагназуецца няўстойлівы слабы, пры навальніцах парывісты. Тэмпература паветра ўначы складзе 5–12 цяпла, удзень — ад плюс 17 градусаў па паўночным захадзе да 24 цяпла па паўднёвым усходзе краіны.

Паводле папярэдніх прагнозаў айчынных сіноптыкаў, у пятніцу чарговы франтальны раздзел прынясе на большую частку тэрыторыі Беларусі кароткачасовыя дажджы. У асобных раёнах прагрымяць навальніцы. Тэмпература паветра ўначы складзе 8–15 цяпла. Удзень будзе ад плюс 15 да 22 градусаў, а месцамі паветра будзе выгравацца да 24 цяпла. На выхадныя нам ападкі прынясе шырокі цыклон з цэнтрам над Украінай. Ужо ў суботу на большай частцы тэрыторыі краіны пройдуць дажджы. У асобных раёнах магчымыя навальніцы і моцныя дажджы. Вецер прагназуецца паўночны, паўночна-усходні парывісты. Тэмпература паветра ўначы складзе 8–15 градусаў вышэй за нуль, удзень — у асноўным 15–22 цяпла.

Сяргей КУРКАЧ

Фота pixabay.com

Выбар рэдакцыі

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.