Вы тут

Што адбылося за тыдзень у Савеце Рэспублікі


Кантакты з Вялікім Ноўгарадам

Член Пастаяннай камісіі Савета Рэспублікі па заканадаўстве і дзяржаўным будаўніцтве, рэктар Полацкага дзяржаўнага ўніверсітэта Алег Раманаў сустрэўся са старшынёй Думы Вялікага Ноўгарада Аляксеем Міцюновым і старшынёй камітэта па турызме і замежных сувязях адміністрацыі Вялікага Ноўгарада Вольгай Васільевай.

Асноўнымі тэмамі перагавораў сталі абмен досведам і перспектывы ўзаемавыгаднага беларуска-расійскага супрацоўніцтва ў галіне адукацыі і турызму, сумесная падрыхтоўка студэнтаў з Наўгародскім дзяржаўным універсітэтам імя Яраслава Мудрага.

Суразмоўцы выказалі ўзаемную цікавасць у далейшым развіцці стасункаў і дамовіліся аб рэалізацыі канкрэтных праектаў.


«Патрыяршая падзяка» сенатару

Член Пастаяннай камісіі Савета Рэспублікі па адукацыі, навуцы, культуры і сацыяльным развіцці, старшыня Гомельскай абласной арганізацыі Беларускага таварыства Чырвонага Крыжа Ала Смаляк удастоена медаля Рускай праваслаўнай царквы «Патрыяршая падзяка».

Узнагароду парламентарыю ўручыў Мітрапаліт Мінскі і Заслаўскі Веньямін, Патрыяршы Экзарх усяе Беларусі, падчас урачыстай цырымоніі, якая адбылася ў Гомельскім епархіяльным упраўленні. Усяго ў гэты дзень медалём «Патрыяршая падзяка» былі ўзнагароджаны 14 прадстаўнікоў сферы аховы здароўя Гомельскай вобласці.

«Вы маеце сэрца, якое адгукаецца на чалавечы боль, дапамагаеце іншым. І няхай Гасподзь умацоўвае вашы цялесныя сілы, дае дабраславенне вашым клопатам», — сказаў мітрапаліт Веньямін падчас цырымоніі. На думку Алы Смаляк, уручэнне медаля — высокая ацэнка і прызнанне яе намаганняў у імя агульных мэт і адначасова стымул удасканальвацца кожны дзень.


Дэмаграфічная бяспека

Член Пастаяннай камісіі Савета Рэспублікі па эканоміцы, бюджэце і фінансах Рыгор Пратасавіцкі прыняў удзел у пасяджэнні сесіі Столінскага раённага Савета дэпутатаў.

На парадку дня было адно пытанне:  стан медыцынскага абслугоўвання насельніцтва раёна і вынікі выканання дзяржаўнай праграмы «Здароўе народа і дэмаграфічная бяспека Рэспублікі Беларусь» за 2016—2020 гады.

Да размовы на сесіі былі запрошаны старшыні сельскіх Саветаў дэпутатаў, кіраўнікі прадпрыемстваў і гаспадарак, а таксама прадстаўнікі ўпраўленняў, аддзелаў райвыканкама і раённых службаў.


Клопат аб спадчыне

Член Пастаяннай камісіі Савета Рэспублікі па заканадаўстве і дзяржаўным будаўніцтве Уладзімір Катовіч прыняў удзел у пасяджэнні Светлагорскага раённага выканаўчага камітэта.

Разглядаліся пытанні захавання аб'ектаў гісторыка-культурнай спадчыны, распрацоўкі і зацвярджэння ахоўных зон гісторыка-культурных каштоўнасцяў і іншыя.

Удзельнікі пасяджэння станоўча ацанілі дзейнасць устаноў культуры і бібліятэчнай сеткі раёна па захаванні і папулярызацыі гісторыка-культурнай спадчыны праз сістэмную навуковую і даследчую працу, фальклорныя экспедыцыі, функцыянаванне створаных уласных электронных рэсурсаў і картатэк.

Выбар рэдакцыі

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота...