Вы тут

Сталічныя школьнікі на адзін дзень сталі студэнтамі хімічнага факультэта БДУ


Сталічныя школьнікі на адзін дзень сталі студэнтамі хімічнага факультэта БДУ дзякуючы старту прафарыентацыйнага праекта «Chemіcal Shadow day BSU — Цень на Дзень БДУ». Акцыя была ініцыяваная студэнтамі хімфака для знаёмства старшакласнікаў з прафесіяй хіміка і аказання ім дапамогі ў выбары будучай спецыяльнасці і месца вучобы.


Фота з сацыяльных сетак.

Першымі ўдзельнікамі сталі старшакласнікі, якіх адабралі па выніках ацэньвання іх матывацыйных лістоў. Унікальнасць праекта заключаецца ў атрыманні магчымасці школьнікам правесці дзень у навуковых лабараторыях, каб канчаткова вызначыцца з кірункам будучай прафесіі. Сёння падрыхтоўка хімікаў у БДУ праводзіцца па шасці спецыяльнасцях, кожная з якіх мае сваю спецыфіку з улікам спалучэння фундаментальных ведаў і навуковага падыходу. Акцэнт у дадзеным праекце зроблены на пашырэнні ўяўлення школьнікаў аб практычным значэнні хімічных навук.

Для хлопцаў і дзяўчат правялі экскурсіі па лабараторыях факультэта і Навукова-даследчага інстытута фізіка-хімічных праблем. Школьнікі змаглі далучыцца да работы навукоўцаў, даведацца аб інавацыйных распрацоўках, убачыць хімічныя доследы ў рэальнасці і атрымаць адказы на пытанні, якія іх цікавяць, ад вядучых навуковых спецыялістаў.

Так, гасцей запрасілі ў лабараторыі раствораў цэлюлозы і прадуктаў іх перапрацоўкі, хіміі свабодных радыкалаў, тэхналогіі лекаў, біяхіміі лекавых прэпаратаў, лекавых прэпаратаў на аснове поліцукрыдаў і іншыя. Акрамя таго, абітурыенты атрымалі кансультацыйную дапамогу па пытаннях паступлення на хімічны факультэт.

Плануецца, што акцыя будзе праводзіцца рэгулярна, два разы на год. Пакуль яна носіць пілотны характар, каб ацаніць яе запатрабаванасць сярод школьнікаў.

Хімічны факультэт БДУ ўяўляе сабой найбуйнейшы навукова-даследчы і педагагічны комплекс. Студэнты маюць магчымасць стажыравацца ў аўтарытэтных навукоўцаў і працаваць над сумеснымі праектамі. Будучыя хімікі атрымліваюць фундаментальныя тэарэтычныя веды і вучацца прымяняць іх на практыцы, авалодваюць найноўшымі методыкамі хімічнага аналізу і даследавання.

Надзея НІКАЛАЕВА

Загаловак у газеце: Цень на дзень: хімія з акцэнтам на практыку

Выбар рэдакцыі

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.

Грамадства

Што пісалі беларускія класікі пра самага дарагога чалавека?

Што пісалі беларускія класікі пра самага дарагога чалавека?

Янка Купала дакладна чуў беларускія калыханкі ад сваёй маці, Бянігны Іванаўны, лежачы ў калысцы ў Вязынцы.

Грамадства

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Калі злодзей маўчыць, за яго «гавораць» сляды. Выкрыць злачынцу дапаможа трасалогія

Банда рабаўнікоў «трапілася» дзякуючы адбіткам спецыяльнай прылады.

Грамадства

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Жыхарка вёскі Мікалаеўка Бялыніцкага раёна Ларыса Клімянок расказала пра трагедыю, якая адбылася з яе сястрой і братамі

Экспедыцыю ў Малінаўку арганізаваў навуковы супрацоўнік музея гісторыі Магілёва ветэран пошукавага руху Пётр Хаванскі.