Вы тут

Уручэнне пасведчанняў байца МААП прайшло ў БДУ


21 сакавіка адбылася ўрачыстая цырымонія ўручэння пасведчанняў байца маладзёжнага атрада аховы правапарадку «Рубін», які быў сфарміраваны на базе БДУ.


— Кожны баец атрада — гэта не проста чалавек з вуліцы, а дастойны грамадзянін сваёй краіны, які ў самым юным узросце гатоў абараняць Радзіму. Такія ўрачыстыя мерапрыемствы толькі падкрэсліваюць важнасць удзелу і статус атрадаў, а самае галоўнае паказваюць наколькі гэта любяць і шануюць самі рабяты, — расказаў сакратар першай арганізацыі БРСМ БДУ Аляксей Пікус.

— Каб папасці у маладзёжны атрад аховы правапарадку, трэба прыйсці ў тэрытарыяльны камітэт БРСМ і падаць сваю заяўку. Пазней дзеці праходзяць пэўны адбор па фізічнай падрыхтоўцы, ведах нарматыўна-прававой базы, каб зразумець, ці гатовы яны маральна да рашэння магчымых надзвычайных сітуацый. У нас сапраўды было шмат рабят, якія хацелі папасці на службу ў атрад. З 50 чалавек змаглі прыняць толькі 14 байцоў. З упэўненасцю хачу сказаць, што кожны ахвотнік можа паспрабаваць сябе яшчэ раз у гэтым няпростым выпрабаванні. Мы прымаем усіх дастойных і гатовых да службы рабят, — дапоўніў ён.

— Хацелася б падзякаваць маладзёжны атрад аховы правапарадку БДУ, які аказвае садзеянне і падтрымку нашым праектам. Менавіта ў вашым універсітэце вучацца тыя рабяты, якія заўсёды былі адданы нашай дзяржаве, і тыя людзі, якія гатовыя выйсці на ахову грамадскага парадку, — выказаўся першы сакратар Мінскай гарадской арганізацыі ГА «БРСМ» Раман Бандарук.


— І, вядома, ёсць такая прафесія — Радзіму абараняць. Хлапчукі зараз пасля пачатку СВА разумеюць, што патрыятызм — гэта неад’емная частка кожнага маладога чалавека. Спачатку, служба можа здавацца простым элементам грамадскага жыцця, але, пагружаючыся ў яе, можна адчуць штосьці большае — павагу і пашану ад грамадзян нашай краіны, — сказала прарэктар па выхаваўчай рабоце і сацыяльных пытаннях, кандыдат юрыдычных навук, дацэнт Ганна Бакун.

Кацярына УРБАН

Фота аўтара

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.