Сабаленка засталася другой, Азаранка апусцілася на 35-е месца ў рэйтынгу WTA

Беларуска Арына Сабаленка па-ранейшаму займае другое месца ў рэйтынгу Жаночай тэніснай асацыяцыі (WTA), паведамляе БелТА.

На мінулым тыдні лепшая беларуская тэнісістка не грала і ў яе актыве засталося 7720 ачкоў. Экс-першая ракетка планеты Вікторыя Азаранка страціла тры пазіцыі і зараз знаходзіцца на 35-м месцы (1801 ачко), Аляксандра Сасновіч паднялася на 107-е месца (740), Вольга Гаварцова займае 134-ы радок (564).

Топ-3 рэйтынгу WTA:

1. Эшлі Барці (Аўстралія) — 10 075 ачкоў;
2. Арына Сабаленка (Беларусь) — 7720;
3. Караліна Плішкова (Чэхія) — 5315.

У рэйтынгу Асацыяцыі тэнісістаў-прафесіяналаў (АТР) беларус Ілля Івашка ўпершыню ў кар’еры падняўся на 52-е месца (1305 ачкоў). Ягор Герасімаў займае 97-ю пазіцыю (769).

Першая тройка рэйтынгу АТР за мінулы тыдзень не змянілася:

1. Новак Джокавіч (Сербія) — 12 133 ачкі;
2. Данііл Мядзведзеў (Расія) — 10 575;
3. Стефанос Ціціпас (Грэцыя) — 8350.

Прэв’ю: pixabay.com