Вы тут

Беларусь да канца года плануе прыняць дзве паўторныя місіі МАГАТЭ


Беларусь да канца года плануе прыняць дзве паўторныя місіі МАГАТЭ. Перспектывы супрацоўніцтва з агенцтвам абмеркаваны на сустрэчы міністра энергетыкі Віктара Каранкевіча з генеральным дырэктарам МАГАТЭ Рафаэлем Гросі, якая прайшла сёння на палях 65-й сесіі Генеральнай канферэнцыі арганізацыі, паведамілі ў прэс-службе Мінэнерга.


Фота: Мінэнерга.

Міністр праінфармаваў гендырэктара МАГАТЭ аб работах на БелАЭС, адзначыўшы, што бяспека станцыі і адкрытасць застаюцца безумоўнымі прыярытэтамі для Беларусі на ўсіх этапах рэалізацыі праекта.

Беларусь правяла ўсе місіі МАГАТЭ, рэкамендаваныя для краін, што будуюць сваю першую АЭС. Атрыманыя рэкамендацыі і прапановы пакладзены ў аснову нацыянальных планаў дзеянняў, якія з’яўляюцца важным арыенцірам у рабоце па рэалізацыі нацыянальнай праграмы ядзернай энергетыкі.

Віктар Каранкевіч падзякаваў МАГАТЭ за садзейнічанне ў развіцці ў Беларусі інфраструктуры ядзернай энергетыкі і ядзернай бяспекі — тэхнічную дапамогу агенцтва, ацэначныя і кансультатыўныя місіі. Да канца года ў Беларусі чакаюць дзве паўторныя місіі МАГАТЭ па ацэнцы дасягнутага прагрэсу ў пытаннях развіцця рэгулюючай інфраструктуры і эксплуатацыйнай бяспекі.

Кіраўнік Мінэнерга таксама праінфармаваў аб тым, што ў пачатку верасня Беларускую АЭС наведала экспертная група Еўрапейскай групы рэгулюючых органаў ядзернай бяспекі (ENSREG) у рамках партнёрскага агляду Нацыянальнага плана дзеянняў па выніках стрэс-тэстаў АЭС. Эксперты адзначылі істотны прагрэс у выкананні рэкамендацый па выніках стрэс-тэстаў і рэалізацыі сфарміраванага на іх аснове нацыянальнага плана.

У час сустрэчы з Рафаэлем Гросі размова таксама ішла аб праекце новай рамачнай праграмы супрацоўніцтва Беларусі і МАГАТЭ на 2022-2027 гады, які цяпер рыхтуецца.

Міністр запрасіў генеральнага дырэктара МАГАТЭ прыняць удзел у цырымоніі ўводу ў эксплуатацыю ўсяго комплексу Беларускай АЭС, якая адбудзецца ў 2022 годзе. «Запрашаем вас наведаць нашу краіну і прыняць удзел у гэтай значнай для нас падзеі», — сказаў ён.

У сваю чаргу Рафаэль Гросі адзначыў адкрытасць Беларусі для супрацоўніцтва з міжнароднымі арганізацыямі, у тым ліку МАГАТЭ. Ён нагадаў, што ў МАГАТЭ як у тэхнічнай экспертнай арганізацыі не бачаць ніводнай прычыны, па якой Беларуская АЭС не магла б быць уведзена ў эксплуатацыю. Рафаэль Гросі таксама запэўніў, што агенцтва прадоўжыць падтрымку гэтага праекта.

Выбар рэдакцыі

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».

Грамадства

Як у Гомелі настаўнікі выхоўваюць юных патрыётаў

Як у Гомелі настаўнікі выхоўваюць юных патрыётаў

Кіраўнікі па ваенна-патрыятычным выхаванні, якія з гэтага навучальнага года з'явіліся ў школах краіны, — значная дапамога педагагічнаму кал

Эканоміка

Харчовая бяспека. Гародніны і бульбы хопіць усім

Харчовая бяспека. Гародніны і бульбы хопіць усім

Дарэчы, частку гэтай прадукцыі накіруем на экспарт, у прыватнасці журавіны.

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.