56-гадовы кіраўнік сялянска-фермерскай гаспадаркі з Крычава абавязаўся пастаўляць на сельгаспрадпрыемства ў Шклоўскім раёне сянаж і сілас. Наўзамен атрымліваў мяса і буйную рагатую жывёлу.
Паводле інфармацыі ўпраўлення па барацьбе з эканамічнымі злачынствамі УУС Магілёўскага аблвыканкама, фермер купляў корм у іншых гаспадарках, а каб атрымаць прыбытак ад наступнай рэалізацыі, завышаў ў таварна-транспартных накладных фактычны аб'ём прадукцыі.
У выніку за два месяцы паставак мужчына прычыніў шкоду на суму больш за 142 тысячы рублёў. Следчыя далі прававую ацэнку яго дзеянням і распачалі крымінальную справу за махлярства, здзейсненае ў асабліва буйным памеры.
Сяргей РАСОЛЬКА
Прэв’ю: pixabay.com
Сумесныя праекты ядзерных тэхналогій.
