Конкурс «Лепшыя тавары Рэспублікі Беларусь» праводзіцца сярод арганізацый, якія вырабляюць харчовыя, прамысловыя тавары для насельніцтва і вырабы народных промыслаў, прадукцыю вытворча-тэхнічнага прызначэння, а таксама кампаній, якія аказваюць паслугі насельніцтву. Пры падвядзенні канчатковых вынікаў конкурсу камісія будзе ўлічваць водгукі спажыўцоў.
Кожны можа прыняць удзел у галасаванні толькі адзін раз (паўторнае галасаванне ўлічвацца не будзе). Прагаласаваць трэба да 20 снежня, для гэтага перайсці па спасылцы https://quality.gskp.by/, выбраць намінацыю і адзначыць, падабаецца ці не падабаецца тавар. Можна таксама накіраваць свае водгукі ў сакратарыят камісіі конкурсу да 20 снежня ўключна на адрас ntc@belgiss.by.
Конкурс «Лепшыя тавары Рэспублікі Беларусь» садзейнічае выяўленню якасных, бяспечных і канкурэнтаздольных тавараў і паслуг, у тым ліку новых відаў, а таксама іх прасоўванню на ўнутраны і знешні рынкі. Ён аб’яўляецца штогод з 2002 года па ініцыятыве Дзяржстандарта, абласных выканаўчых камітэтаў і Мінгарвыканкама.
Больш падрабязную інфармацыю аб конкурсе можна атрымаць на сайце www.gosstandart.gov.by у раздзеле «Якасць і дзелавая дасканаласць».
Надзея НІКАЛАЕВА
Прэв’ю: pixabay.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?