У Першамайскае РУУС сталіцы звярнуліся двое мінчан, якія паведамілі, што замовілі запчасткі для аўтамабіляў, унеслі за іх перадаплату, аднак тавар так і не атрымалі. Сума ўрону склала больш за 1600 рублёў.
Супрацоўнікі міліцыі падчас правядзення праверкі ўстанавілі, што ашуканскія дзеянні ў дачыненні да заяўнікаў здзейсніў 50-гадовы жыхар Міншчыны.
Па і нфармацыі ГУУС Мінгарвыканкама, мужчына стварыў сайт па аказанні аўтапаслуг і продажы аўтазапчастак. Патэнцыйным пакупнікам, якія звязваліся з ім у месенджары, падазраваны абяцаў выканаць практычна любую замову пасля паступлення перадаплаты. Атрымаўшы грошы, ён пераконваў кліента, што ўсё ідзе па плане: дэталь вязуць з суседняй краіны, таму неабходна пачакаць, таксама ў якасці пацверджання мужчына высылаў фатаграфіі замоўленага тавару. Разам з тым, мінчанін першапачаткова не збіраўся выконваць абавязацельствы.
Устаноўлена, што фігурант займаўся супрацьпраўнай дзейнасцю на працягу мінулага года і датычны яшчэ да васьмі аналагічных эпізодаў махлярства на тэрыторыі краіны. Следчым камітэтам дадзена прававая ацэнка дзеянням мужчыны і распачата крымінальная справа за махлярства.
Сяргей РАСОЛЬКА
Прэв’ю: pixabay.com
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?