Аляксандр Лукашэнка павіншаваў работнікаў і ветэранаў органаў і падраздзяленняў па надзвычайных сітуацыях з прафесійным святам — Днём ратавальніка, паведамілі ў прэс-службе кіраўніка дзяржавы.
«Вы першыя прыходзьце на дапамогу людзям, якія трапілі ў бяду, смела адказваеце на выклікі прыродных катаклізмаў, прафесійна выконваеце свой абавязак, дастаўляеце гуманітарную дапамогу насельніцтву краін, якія пацярпелі ад катастроф і стыхійных бедстваў», — адзначыў Аляксандр Лукашэнка.
Кіраўнік дзяржавы падкрэсліў, што, дэманструючы адданасць сваёй справе, мужнасць і адвагу ў самых цяжкіх і небяспечных сітуацыях, ратавальнікі штораз праходзяць праверку на трываласць з гонарам і годнасцю.
Асаблівыя словы ўдзячнасці Прэзідэнт адрасаваў ветэранам, якія стваралі выратавальнае ведамства Беларусі і ўпісалі нямала слаўных старонак у яго гісторыю.
«Перакананы, што бяспека грамадзян і ў далейшым будзе пад надзейнай абаронай супрацоўнікаў органаў і падраздзяленняў па надзвычайных сітуацыях Рэспублікі Беларусь. Дзякую ўсім, хто выбірае звязаную з рызыкай, але такую важную для людзей прафесію ратавальніка», — гаворыцца ў віншаванні.
Прэв’ю: БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?