Вы тут

Надвор'е. На выхадных і наступным тыдні — да +32!


У Беларусі чакаецца да 32 градусаў гарачыні ў выхадныя і на будучым рабочым тыдні. Аб гэтым БелТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


 pixabay.com

Ужо ў пятніцу, 12 жніўня, на тэрыторыю Беларусі пачнуць паступаць цёплыя паветраныя масы з паўночнага ўсходу Украіны. На большай частцы тэрыторыі краіны захаваецца сонечнае і сухое надвор'е, толькі ў паўднёвых раёнах пройдуць лакальныя навальнічныя дажджы. Уначы тэмпература паветра будзе плюс 9-15 градусаў, а па поўдні — плюс 18 градусаў. Днём паветра прагрэецца да 24—30 градусаў.

У далейшым антыцыклон працягне сваё прасоўванне на ўсход, і на тэрыторыю Беларусі будуць паступаць цёплыя няўстойлівыя паветраныя масы чарнаморскага паходжання. Тэмпература паветра возьме курс на павышэнне і не толькі дасягне значэнняў, адпаведных календару, але і перавысіць іх на 1—5 градусаў. Аднак без лакальных навальнічных дажджоў не абыдзецца.

У суботу, 13 жніўня, месцамі па краіне, а па Брэсцкай і Гомельскай абласцях на большай частцы тэрыторыі прагназуюцца кароткачасовыя дажджы. У асобных раёнах яны будуць суправаджацца навальніцамі. Тэмпература паветра ўначы складзе плюс 13—20 градусаў, а ў паўночных раёнах плюс 11-12 градусаў. У сярэдзіне дня слупкі тэрмометраў пакажуць 24—31 градус цяпла.

У нядзелю, 14 жніўня, месцамі па краіне пройдуць кароткачасовыя дажджы, а ў асобных раёнах прагрымяць навальніцы. Тэмпература ноччу будзе знаходзіцца ў межах 13—20 градусаў цяпла, а дзённыя максімумы складуць плюс 25—32 градусы.

Паводле папярэдняга прагнозу сіноптыкаў, вельмі цёплае з кароткачасовымі навальнічнымі дажджамі надвор'е захаваецца і на наступным рабочым тыдні.

У панядзелак, 15 жніўня, у асобных раёнах краіны чакаюцца кароткачасовыя дажджы з навальніцамі. Уначы тэмпература паветра будзе вагацца ад плюс 13 да 20 градусаў, а днём — ад плюс 25 да плюс 32 градусаў.

У аўторак, 16 жніўня, ноччу месцамі, днём на большай частцы тэрыторыі краіны пройдуць кароткачасовыя дажджы. У асобных раёнах прагрымяць навальніцы. Тэмпература паветра ноччу складзе 15—21 градус цяпла, а днём — плюс 23—29 градусаў. Месцамі па краіне слупкі тэрмометраў пакажуць плюс 30—32 градусы.

У сераду, 17 жніўня, на большай частцы тэрыторыі Беларусі прагназуюцца кароткачасовыя дажджы. У асобных раёнах краіны прагрымяць навальніцы. У начны час тэмпература паветра будзе плюс 13—20 градусаў, а ў дзённыя — плюс 23—29 градусаў. Па паўднёвым захадзе ў сярэдзіне дня паветра прагрэецца да 30—32 градусаў

Выбар рэдакцыі

Грамадства

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Як сямейная пара настаўнікаў фізікі робіць складанае простым.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У аўторак падзеі будуць развівацца спрыяльна для вас, нечакана могуць узнікнуць новыя перспектывы для кар'еры. 

Калейдаскоп

5 важных рэчаў, якім бацькі абавязаны навучыць сваіх дзяцей

5 важных рэчаў, якім бацькі абавязаны навучыць сваіх дзяцей

Быць бацькамі — вялікая адказнасць. Кожны з нас хоча выхаваць дзіця ўпэўненым, добрым і шчырым. І самае галоўнае — шчаслівым.