Прэзідэнт Беларусі Аляксандр Лукашэнка 15-16 верасня здзейсніць рабочы візіт ва Узбекістан для ўдзелу ў саміце Шанхайскай арганізацыі супрацоўніцтва, паведамілі ў прэс-службе беларускага лідара.
Мерапрыемства пройдзе ў Самаркандзе. Плануецца, што кіраўнік беларускай дзяржавы 16 верасня выступіць на пасяджэнні ў пашыраным складзе Савета кіраўнікоў дзяржаў — членаў ШАС. Аляксандр Лукашэнка агучыць прыярытэты ўзаемадзеяння Беларусі ў фармаце ШАС, у тым ліку з улікам пададзенай раней заяўкі на далучэнне краіны да гэтай арганізацыі ў якасці паўнапраўнага члена (у цяперашні час Беларусь мае статус назіральніка). Размова таксама пойдзе аб актуальных пытаннях міжнароднага парадку дня.
Плануецца, што на палях саміту адбудуцца сустрэчы Аляксандра Лукашэнкі з замежнымі калегамі, падчас якіх будзе абмяркоўвацца пераважна двухбаковая тэматыка і развіццё супрацоўніцтва па ключавых напрамках.
Прэзідэнт Беларусі прыме ўдзел і ў шэрагу нефармальных мерапрыемстваў, арганізаваных узбекскім бокам для ўдзельнікаў саміту.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
