Цырымонія афіцыйнага гашэння паштовага блока «1030-годдзе Праваслаўя на беларускіх землях» адбылася 22 верасня ў Мінскім епархіяльным упраўленні. У ёй прынялі ўдзел Мітрапаліт Мінскі і Заслаўскі Веніямін і міністр сувязі і інфарматызацыі Канстанцін Шульган.
Ужо 30 гадоў Міністэрства сувязі і інфарматызацыі і РУП «Белпошта» сумесна з Беларускай праваслаўнай царквой супрацоўнічаюць у выпуску паштовых праектаў хрысціянскай тэматыкі. Міністр сувязі і інфарматызацыі Канстанцін Шульган выдзеліў гэты праект сярод іншых:
— Гэта значна тым, што дата вельмі сур’ёзная. Наша беларуская царква, нашае праваслаўе адзначаюць 1030 гадоў. Таксама хацелася б адзначыць саму асаблівасць праекту. Ён змяшчае 15 спецыяльных памятных штэмпеляў, гэта значыць, што такая падзея адбываецца адначасова ў 15 епархіях. Такога ў нас яшчэ не было.
На канверце намаляваны старажытныя беларускія храмы. Таксама ёсць марка, якая змяшчае афіцыйную эмблему ўрачыстасцяў «1030-годдзя Праваслаўя на беларускіх землях». Паколькі паштовы блок з’яўляецца прадметам калекцыянавання, то ён выкананы з паслядрукарнымі тэхналогіямі.
Варта адзначыць, што сярод мінулых сумесных праектаў былі выпускі, прысвечаныя беларускім святым: Еўфрасінні Полацкай, Сімяону Полацкаму, Кірылу Тураўскаму і Канстанціну Астрожскаму, а таксама паштовая прадукцыя з выявамі храмаў, званоў і абразоў.
Лізавета ГОЛАД
Фота аўтара
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
