Прэзідэнт Беларусі Аляксандр Лукашэнка зрабіў кадравыя прызначэнні ў кіраўніцтве Міністэрства замежных спраў і Узброеных Сіл, перадае БелТА.
Міністрам замежных спраў Беларусі прызначаны Сяргей Алейнік, які да цяперашняга часу працаваў у знешнепалітычным ведамстве на пасадзе першага намесніка міністра.
Андрэй Лук’яновіч прызначаны камандуючым Ваенна-паветранымі сіламі і войскамі супрацьпаветранай абароны Узброеных Сіл Рэспублікі Беларусь. Раней ён займаў пасаду намесніка камандуючага ВПС і войскамі СПА-начальніка авіяцыі.
«Ну як не публічна можна такіх людзей прызначаць? Таму я вас запрасіў для таго, каб сапраўды гэта было, як гэта прынята ў нашай дзяржаве», — сказаў кіраўнік дзяржавы, вітаючы Сяргея Алейніка і Андрэя Лук’яновіча.
Прэзідэнт адзначыў, што напярэдадні абмеркаваў з імі ўсе нюансы іх будучай дзейнасці на новых пасадах. У прысутнасці цяпер ужо новых міністра і камандуючага ён падпісаў указы аб іх прызначэнні.
Сяргей Алейнік падзякаваў кіраўніку дзяржавы за высокі давер. «Нялёгка будзе», — заўважыў беларускі лідар.
Андрэй Лук’яновіч адказаў па-вайсковаму: «Служу Рэспубліцы Беларусь, таварыш Галоўнакамандуючы!». «Таксама няпростая сітуацыя (у сферы адказнасці камандуючага. — Прым. БелТА)», — адзначыў Аляксандр Лукашэнка.
Ён яшчэ раз павіншаваў абодвух з прызначэннем і пажадаў ім поспехаў у новых пасадах.
Фота: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.