Футбалісты гродзенскага «Нёмана» атрымалі другую перамогу на традыцыйным перадсезонным турніры «Белазавец» у Жодзіна, паведамляе БелТА.
У сваім другім паядынку падапечныя Ігара Кавалевіча ўпэўнена перайгралі дублёраў жодзінскага «Тарпеда-БелАЗа» з вынікам 3:1. У першай сустрэчы «Нёман» з такім лікам узяў верх над брэсцкім «Дынама». Асноўны склад «Тарпеда-БелАЗа» спачатку разграміў сваіх рэзервістаў — 8:0, а потым разышоўся мірам — 2: 2 — з брэсцкімі дынамаўцамі, якіх цяпер трэніруе былы настаўнік тарпедаўцаў Ігар Крывушэнка. Заўтра ў заключны дзень спаборніцтваў у гульні за першае месца сустрэнуцца жодзінскія і гродзенскія футбалісты, а «Дынама» згуляе з тарпедаўскімі дублёрамі.
Тым часам іншыя беларускія клубы таксама правялі кантрольныя паядынкі перад стартам новага сезона. Чэмпіён краіны салігорскі «Шахцёр» пасля нядаўняга паражэння ад бабруйскай «Белшыны» (1:2) разграміў дзяржынскі «Арсенал» з сухім лікам 5:0. Футбалісты «Мінска» з вынікам 1:2 нечакана саступілі яшчэ аднаму прадстаўніку другога дывізіёна нацыянальнага першынства «Астраўцу».
Новы футбольны сезон у Беларусі адкрыецца 25 лютага матчам за Суперкубак, у якім «Шахцёр» сустрэнецца з уладальнікам Кубка краіны «Гомелем».
Фота: ФК «Тарпеда-БелАЗ»
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.