Дзяржаўны памежны камітэт фарміруе на мяжы дадатковыя манеўраныя групы. Пра гэта заявіў журналістам старшыня Дзяржпагранкамітэта Анатоль Лапо пасля нарады ў Прэзідэнта Беларусі па актуальных пытаннях забеспячэння бяспекі і правапарадку і мерах па ахове дзяржаўнай мяжы, перадае БелТА.
«Мяжа — гэта жывы арганізм, і абстаноўка ў зімовы перыяд і летні зусім іншая. Калі ўзімку ўчасткі дзесьці непраходныя або цяжкапраходныя, то вясной-летам яны агаляюцца, — адзначыў Анатоль Лапо. — Натуральна, кіраўнік дзяржавы як галоўнакамандуючы цікавіцца, якія мы меры прымаем».
На нарадзе кіраўніку дзяржавы далажылі, як складваецца абстаноўка на мяжы і як у сувязі з гэтым фарміруюцца манеўраныя групы, якой тэхнікай абсталёўваюцца падраздзяленні на мяжы. «Мы ў мінулым адну мангрупу сфармавалі ў мазырскім атрадзе (гэта каля 300 чалавек), цяпер абстаноўка такая, што мы вымушаны фарміраваць адну мангрупу на лідскім кірунку, другую — як рэзерв на брэсцкім напрамку. Будзе восень — можа, яны там не патрэбныя будуць, будзем перакідваць на іншы кірунак», — распавёў старшыня Дзяржпагранкамітэта.
«Абстаноўка на мяжы прагназуемая і кантралюемая», — запэўніў Анатоль Лапо.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
