Вы тут

У Магілёве адкрылі алею імя Героя Савецкага Саюза Андрэя Мельнікава


Учора ў Магілёве адбылося ўрачыстае адкрыццё алеі імя Героя Савецкага Саюза гвардыі радавога Андрэя Мельнікава.


Месца для алеі было абрана невыпадкова: у доме нумар 150 а па вуліцы Чалюскінцаў Андрэй Мельнікаў правёў сваё дзяцінства і юнацтва да прызыву ва Узброеныя Сілы.

У красавіку 1987 г. Андрэй быў накіраваны ў Афганістан. 8 студзеня 1988 г. гвардыі радавы Мельнікаў загінуў пры абароне вышыні.

Указам Прэзідыума Вярхоўнага Савета СССР ад 28 чэрвеня 1988 года за мужнасць і гераізм, праяўленыя пры выкананні інтэрнацыянальнага абавязку ў Рэспубліцы Афганістан, гвардыі радавому Мельнікаву Андрэю Аляксандравічу было пасмяротна прысвоена званне Героя Савецкага Саюза.

Права адкрыць мемарыяльны знак было прадастаўлена: дачцэ героя — Марыі, першаму намесніку старшыні Магілёўскай абласной арганізацыі грамадскага аб’яднання «Беларускі саюз ветэранаў вайны ў Афганістане» Валерыю Ваньковічу, старшыні Магілёўскага гарадскога выканаўчага камітэта Аляксандру Студневу.

Дачка Андрэя Мельнікава — Марыя, унучкі Любоў і Анастасія.

У мерапрыемстве прынялі ўдзел дэлегацыі Мінскай гарадской арганізацыі ветэранаў вайны ў Афганістане «Памяць» ГА «БСВВА», Рэспубліканскай асацыяцыі членаў сем’яў ваеннаслужачых, якія загінулі ў Афганістане, «Памяць і абавязак», узначаленыя воінам-інтэрнацыяналістам палкоўнікам Уладзімірам Шокавым і Тамарай Доўнар.

Віктар ІВАНЧЫКАЎ

Фота аўтара

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Зоркі абяцаюць шмат прыемных момантаў і добрых навін для Блізнятаў.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.