Гэты парк самы малады ў Магілёве, але вельмі папулярны. І судэскперты Магілёўшчыны дадалі яму прыгажосці і ўтульнасці. У 10-гадовы юбілей свайго ведамства яны высадзілі алею з клёнаў і ўстанавілі тут памятны камень. Ва ўрачыстай цырымоніі прынялі ўдзел старшыня Дзяржкамітэта судовых экспертыз генерал-маёр юстыцыі Аляксей Волкаў, начальнік упраўлення ДКСЭ па Магілёўскай вобласці палкоўнік юстыцыі Яраслаў Федарынчык, супрацоўнікі абласнога ўпраўлення.
– Дзесяцігоддзе для ведамства – адносна невялікі прамежак часу, – адзначыў у сваёй прамове Аляксей Волкаў. – Гісторыя Дзяржкамітэта судовых экспертыз адзначана імкненнем кожнага ўнесці свой уклад у развіццё і ўдасканаленне судова-экспертнай дзейнасці, адданасцю сваёй Айчыне і народу, пачуццём адказнасці за сучаснасць і будучыню роднай краіны. Адкрыццём алеі і памятнага каменя ў Год міру і стваральнай працы мы ў чарговы раз падкрэсліваем значнасць патрыятызму, сяброўства, аб'ектыўнасці і гонару.
Кіраўнік экспертнага ведамства звярнуў увагу таксама на тое, што алея і памятны знак будуць нагадваць пра адзінства, мір і стабільнасць –сімвалы, якія ляжаць у аснове важнага для кожнага беларуса свята, якое адзначалася нядаўна – Дня Незалежнасці.
– Падзеі Вялікай Айчыннай вайны вучыць нас цаніць тое, што зроблена пасляваеннымі пакаленнямі і нашымі сучаснікамі, – падкрэсліў ён. – Наш святы абавязак – захоўваць памяць аб вялікім подзвігу герояў-пераможцаў, якія падарылі нам самае дарагое, што ёсць у чалавека: жыццё, свабоду і незалежнасць. Кляновая алея стане своеасаблівым сімвалам далейшага мірнага працвітання нашай краіны.
Нэлі ЗІГУЛЯ
Фота з архіва ўпраўлення Дзяржкамітэта судовых экспертыз па Магілёўскай вобласці
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».