У эфіры тэлеканала «Беларусь 1» намеснік прэм’ер-міністра Беларусі Пётр Пархомчык распавёў, як рэалізуюцца інвестпраекты па імпартазамяшчэнні з Расійскай Федэрацыяй, паведамляе БелТА.
Адказваючы на пытанне аб тэмпах падрыхтоўкі да рэалізацыі інвестпраектаў па імпартазамяшчэнні з Расіяй, Пётр Пархомчык адзначыў: «Самае складанае было ўсё ж такі сфарміраваць бізнес-планы. І мы гэта выканалі. Прайшлі яны праз усе этапы ўзгаднення, а цяпер знаходзяцца на стадыі рэалізацыі. У нас ужо 14 узгодненых праектаў. Пачалася выбарка грашовых рэсурсаў, якія прадастаўлены нам у рамках расійскага крэдыту. Мы ўжо выбралі каля Br900 млн. Гэта прадпрыемства „Гомсельмаш“, падшыпнікавы завод, прадпрыемства Беларускага металургічнага завода».
Віцэ-прэм’ер звярнуў увагу на тое, што ёсць і інвестпраекты, якія сёння паспяхова рэалізуюцца і фінансуюцца беларускімі банкамі. «Банк развіцця фінансуе вельмі добры праект па Оршы — стварэнне кальцавых нарыхтовак. Праект прадугледжвае і будаўніцтва вытворчых плошчаў у межах 25 тыс. кв. м. Працу гэтую мы ўжо завяршылі. З канца года пачынаецца пастаўка абсталявання, там ужо прафінансаваны каля $30 млн. Банк развіцця і Беларусбанк прафінансавалі інвестпраекты па прадпрыемстве „Легмаш“ у Оршы. Вельмі добрая сума — у межах $20 млн. І на сённяшні дзень мы ўжо канстатуем, што каля 60 адзінак абсталявання прыбылі на вытворчыя пляцоўкі, яны ўжо змантаваныя, адбыўся іх запуск. І сёння гэтыя станкі ўжо даюць канкрэтную прадукцыю», — сказаў ён.
Пётр Пархомчык дапоўніў: «Мы паскорылі гэтыя ўсе праекты дзесьці ў межах 1,5-2 гадоў, але гэтага недастаткова. Трэба значна хутчэй гэта рабіць і як мага хутчэй выкарыстоўваць рэсурсы, якія выдзелены Расійскай Федэрацыяй. Калі не мы, то хтосьці гэтую працу выканае за нас».
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
