Колькасць загінулых ад трапічнага шторму «Доксуры» на Філіпінах узрасла да 25

Колькасць загінулых ад трапічнага шторму «Доксуры» на Філіпінах узрасла да 25, паведамляеТАСС са спасылкай на тэлеканал GMA News.

Яшчэ 20 чалавек прапалі без вестак. Свае дамы пакінулі больш за 260 тыс. чалавек, частка з іх размешчаны ў эвакуацыйных цэнтрах. Каля 36 жылых будынкаў пашкоджаныя або разбураныя.

Раней паступала інфармацыя пра 13 загінулых. Шторм галоўным чынам закрануў самы буйны востраў архіпелага — Лусон. Былі пашкоджаныя лініі электраперадачы, выпадзенне багатых ападкаў прывяло да паводак і апоўзняў.

Трапічны цыклон 27 ліпеня пакінуў тэрыторыю Філіпін. У выніку шторму ў аэрапортах краіны былі адмененыя 85 авіярэйсаў.

Прэв’ю: pexels.com