Вы тут

Ці патрэбныя юнакам і дзяўчатам ХХІ стагоддзя сацыяльна-эмацыянальныя навыкі?


Ці патрэбныя юнакам і дзяўчатам ХХІ стагоддзя сацыяльна-эмацыянальныя навыкі? Якія з іх адыгрываюць найбольш важную ролю ў паспяховай сацыялізацыі падрастаючага пакалення? Ад чаго залежыць дасягненне поспеху ў жыцці? Што адбудзецца, калі навучыцца кантраляваць свой унутраны свет? Ці дапаможа гэта здольнасць гарманізаваць сучаснасць і пабудаваць шчаслівую будучыню? Гэтыя і іншыя пытанні аказаліся прадметам даследавання, праведзенага сярод мінскіх падлеткаў спецыялістамі Нацыянальнага інстытута адукацыі пры падтрымцы Дзіцячага фонду ААН (ЮНІСЕФ) у Рэспубліцы Беларусь.


Фота pexels.com

Яго ўдзельнікамі сталі навучэнцы 9-х і 11-х класаў мінскіх гімназій і школ, падзеленыя на тры фокус-групы. Апошнія маюць на ўвазе арганізацыю даследавання з дапамогай групавога інтэрв’ю, калі некалькі чалавек пад кіраўніцтвам мадэратара абмяркоўваюць пэўную тэму, выказваюць меркаванне адносна прапанаваных мадэратарам пытанняў, абменьваюцца ідэямі і думкамі, якія ўзнікаюць у ходзе абмеркавання. Для правядзення даследавання ўпраўленнем маніторынгу якасці адукацыі Нацыянальнага інстытута адукацыі быў падрыхтаваны сцэнарый з дакладна акрэсленымі этапамі і пытаннямі.

Як паказалі вынікі фокус-груп, навучэнцы 9-х класаў лічаць найбольш значнымі для ўласнай жыццядзейнасці наступныя ўменні: здабываць карысны для сябе досвед у выпадку няўдачы; весці дыялог, дамаўляцца і сумесна знаходзіць канструктыўныя рашэнні; казаць «не», каб не шкодзіць сабе; аналізаваць (разумець) учынкі іншых людзей, іх прычыны і матывы; выказваць і адстойваць уласны пункт гледжання; абараняць уласныя інтарэсы; вывучаць свой унутраны свет, аналізаваць яго асаблівасці; адказваць за словы, учынкі, вынікі дзейнасці.

Навучэнцы 11-х класаў у якасці найбольш актуальных сацыяльна-эмацыянальных навыкаў згадалі наступныя: работу над сабой і сваім характарам; выпрацоўку карысных звычак; гатоўнасць і здольнасць пры неабходнасці выказваць нязгоду з іншымі людзьмі; прыняцце адказнасці за ўласныя словы і ўчынкі; эмацыянальны самакантроль; матывацыю сябе на дасягненне мэт, якія патрабуюць намаганняў; разуменне і прыняцце пункту гледжання іншага; вырашэнне канфліктных сітуацый.

У працэсе камунікацыі з навучэнцамі прасочвалася разуменне маладымі людзьмі значнасці сацыяльна-эмацыянальных навыкаў, жаданне іх фарміраваць і ўдасканальваць. Відавочна, што моладзь не мае намеру плыць па цячэнні і збіраецца кіраваць сваім жыццём. Сярод магчымасцяў для фарміравання неабходных для жыцця навыкаў юнакі і дзяўчаты згадвалі дадатковую адукацыю (гурткі, секцыі, трэнінгі і інш.).

Сярод найбольш актуальных праблем, з якімі сутыкаецца сучасная моладзь, былі выдзелены булінг і кібербулінг. Таксама была адзначана важнасць эмацыянальнай падтрымкі і разумення з боку дарослых, важнасць цёплых, а не фармальных сямейных адносін.

У якасці найбольш яркіх, ва ўяўленні навучэнцаў, прыкмет паспяховай асобы ўказваліся мэтанакіраванасць, высокая самаацэнка, аптымізм, крэатыўнасць, адкрытасць новаму, самавалоданне. Гэтыя і іншыя якасці асобы знайшлі адлюстраванне ў вобразах ідэальнай дзяўчыны і ідэальнага юнака ХХІ стагоддзя. Хлопцам і дзяўчатам была дадзена магчымасць абмеркаваць свае ўяўленні ў мікрагрупах і прэзентаваць вынікі работы ў выглядзе малюнкаў і вуснага апісання.

Вынікі правядзення фокус-груп пацвердзілі зацікаўленасць моладзі ў фарміраванні сацыяльна-эмацыянальных навыкаў, якія ў вялікай ступені ўплываюць не толькі на акадэмічную і персанальную паспяховасць, але і на фізічнае, псіхічнае, сацыяльнае здароўе грамадства, яго эканамічныя вынікі, што адпавядае мэтам устойлівага развіцця краіны.

Надзея НІКАЛАЕВА

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.