Вы тут

Што трэба рэмантантным малінам і чым падкарміць, каб ягады сталі салодкімі?


Рэмантантныя маліны больш ураджайныя чым звычайныя, але і патрабаванні ў іх крыху завышаныя. Справа ў тым, што на двайное плоданашэнне сыходзіць шмат сілкавання, і раслінам гэта трэба неяк кампенсаваць. Калі махнуць на іх рукой, кусты зарастуць парасткамі, а ягады стануць драбнець, у шматлікіх сартоў будуць рассыпацца пры зборы на зярняткі.


У першую чаргу — абразанне

Цяпер трэба прайсці і выразаць усе парасткі, якія адпладаносілі. Гэта значыць двухгадовыя. Яны ўжо аддалі свой ураджай і толькі загушчаюць кусты, дзеляцца з маладымі парасткамі шкоднікамі і хваробамі. А значыць, іх трэба выдаліць і спаліць. Разам з імі выдаліце і слабыя тонкія парасткі. Пакідаюць толькі наймацнейшыя ў колькасці не больш за пяць-восем на куст або па 15 парасткаў на пагонны метр рада. Калі пакінуць усе парасткі, то ягад будзе шмат, але яны будуць дробнымі і ўраджай будзе не нашмат большы.

Падчас абразання ў пакінутых парасткаў выдаліце ніжняе лісце. Гэта перанакіруе харчаванне на плоданашэнне і палепшыць вентыляцыю кустоў. Лісце таксама трэба адправіць на вогнішча.

Чым падкарміць, каб ягады сталі салодкімі?

Так, ёсць і такія падкормкі. Калі азот адказвае, у асноўным, за памеры пладоў і парасткаў, то фосфар і калій паляпшаюць смакавыя якасці і павялічваюць выспяванне галін, паляпшаюць імунітэт. Робяць ягады больш транспартабельнымі, а кусты лепш супрацьстаяць кароткачасовай засусе.

Цяпер самыя важныя — калійныя ўгнаенні. Уносяць іх па дзве запалкавыя ўпакоўкі на 10 л вады. Падкорм праводзяць два-тры разы з інтэрвалам у 7-10 дзён. Можна выкарыстоўваць сернакіслы калій ці проста попел. Попелу спатрэбіцца дзве шклянкі на 1 м2.

Вельмі добрае ўгнаенне — монафасфат калію. Каштуе яно нямала, але сваіх грошай заслугоўвае. У сувязі з высокім коштам монафасфат калію ўжываюць па лісці, каб выкарыстоўваць максімальна эфектыўна і маленькімі дазіроўкамі. Літаральна 2-3 ст. лыжкі на 10 л вады. Праз два-тры дні пасля пазакаранёвай падкормкі правядзіце апырскванне раслін простай вадой: гэты прыём дазволіць паўней выкарыстоўваць ужытае ўгнаенне.

Як быць з кляшчом?

Белыя плямы на лісточках, абсыпанне ніжняй лістоты — усё кажа аб наяўнасці кляшча. Знішчыць яго можна без шкоды для свайго здароўя сернымі прэпаратамі. Напрыклад, «Кумулусам» або калоіднай серай. Толькі апырскваць імі кусты можна ў прахалоднае надвор'е. Калі стаіць спякота, сярністыя прэпараты выклікаюць апёкі лісця.

Мульчыраванне не пашкодзіць.

Чым прыкрыць?

Вельмі дабратворна на малінах адбіваецца мульчыраванне глебы саломай. Цяпер яшчэ ідзе ўборка, а значыць, салому знайсці нескладана. Толькі не паскупіцеся: каб атрымаць станоўчы эфект, салому трэба насыпаць пластом не менш за 10 см, а лепш адразу насыпаць у 20 см, яна ушчыльніцца і асядзе. Затое потым паліваць маліны можна радзей і пустазелле расце не так актыўна. Мульчыраванне значна павялічвае ўраджаі і зімаўстойлівасць кустоў. Калі ёсць магчымасць, замульчыруйце пасадкі.

Ірына ТАМКОВІЧ

Выбар рэдакцыі

Адукацыя

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

«Для таго, каб стаць падручнікам, матэрыялы, падрыхтаваныя аўтарамі, праходзяць шмат этапаў экспертызы, абмеркаванняў на дыялогавых пляцоўках з педагогамі, узгадненняў, апрабацыю ва ўстановах адукацыі». 

Рэгіёны

З чым едзе Брэстчына на сёлетні Форум рэгіёнаў

З чым едзе Брэстчына на сёлетні Форум рэгіёнаў

Вобласць падрыхтавала ладны пакет прапаноў удзельнікам форуму.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.