Не абыдзецца без навінак і на сацыякультурным тэлеканале. У новым сезоне «Беларусь 3» прадставіць дакументальны цыкл «Легенды эстрады», запрапануе адправіцца ў «Культурнае падарожжа» і раскажа пра тэатральную гісторыю Нясвіжа ў аднайменным мастацка-публіцыстычным фільме. І, вядома, не застанемся без прэм’ер спектакляў, канцэртаў, прамых трансляцый з галоўных культурных мерапрыемстваў.
Так, у новым сезоне на тэлеканале 23 верасня стратуе праект «Культурнае падарожжа». Яго тэлеаўдыторыі прадставіць вопытная аматарка вандровак Надзея Вішнеўская. Менавіта ў яе кампаніі здымачная група адправіцца ў вялікае падарожжа па краіне, каб адшукаць усё самае музычнае, паэтычнае, жывапіснае, скульптурнае, харэаграфічнае, кінематаграфічнае, тэатральнае, а потым скласці культурную карту Беларусі для кожнага захопленага турыста. У першым выпуску мы ўбачым паездку творчай каманды ў Маладзечанскі раён, у якой паўстануць шляхі беларускіх пісьменнікаў. Не прапусціце «Культурнае падарожжа» ў суботнім эфіры.
Для прыхільнікаў вядомых паэтаў, кампазітараў і артыстаў, якія праславілі культуру Беларусі, падрыхтаваны 10-серыйны дакументальны цыкл «Легенды эстрады», выпускі якога таксама будуць выходзіць па суботах. Каля экранаў пачуем гісторыі Уладзіміра Мулявіна, Віктара Вуячыча, Якава Навуменкі, Ізмаіла Капланава і іншых ва ўспамінах родных, калег, сяброў. А вось у цэнтры ўвагі свежага сезона праекта «Новыя людзі» зноў акажуцца маладыя таленты, лаўрэаты рэспубліканскіх і міжнародных конкурсаў. Акрамя таго не абыдзецца без прэм’ер спектакляў, канцэртаў, прамых трансляцый з галоўных культурных мерапрыемстваў. Заставайцеся з тэлеканалам вечных каштоўнасцяў.
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.