Прэм’ер-міністр Беларусі Раман Галоўчанка вылецеў у Казахстан, паведамляе БелТА.
Візіт кіраўніка беларускага ўрада прадугледжвае перагаворы з кіраўніцтвам Казахстана, у тым ліку чакаецца сустрэча Рамана Галоўчанкі з прэзідэнтам Казахстана Касым-Жамартам Такаевым, а таксама з прэм’ер-міністрам Аліханам Смаілавым.
Яшчэ адзін пункт праграмы візіту прэм’ерміністра — наведванне Міжнароднай прамысловай выставы «ІНАПРАМ. Казахстан».
З 25 па 27 верасня 2023 года ў Міжнародным выставачным цэнтры EXPO ў Астане ўпершыню адбудзецца Міжнародная прамысловая выстава «ІНАПРАМ. Казахстан». Асноўнымі тэмамі выставы стануць транспартнае, авіяцыйнае і энергетычнае машынабудаванне, станкабудаванне, хімічная прамысловасць, металургія і інш. На плошчы больш за 12 000 кв. м прыярытэтныя праекты і напрамкі прэзентуюць Міністэрства прамысловасці і гандлю Расіі і Міністэрства індустрыі і інфраструктурнага развіцця Казахстана. Свае экспазіцыі прадставяць вядучыя прамысловыя і інавацыйныя кампаніі дзвюх краін. Дапоўняць выставу Нацыянальныя экспазіцыі і кампаніі з краін ЕАЭС.
Неад’емнай часткай «ІНАПРАМа» з’яўляецца цікавая і насычаная дзелавая праграма. Так, у гэтым годзе запланаваны расійска-казахстанскі прамысловы форум з удзелам кіраўнікоў дэлегацый, спецыялізаваныя сесіі па тэмах: цыфравізацыі прамысловасці, кааперацыя ў машынабудаванні, тэхналогіі для вялікіх гарадоў, тэхналогіі для энергетыкі, міжнароднае супрацоўніцтва і інш.
Выстава пройдзе пад патранажам прэм’ер-міністра Казахстана Аліхана Смаілава.
Дарэчы, ён разам з прэм’ер-міністрам Беларусі Раманам Галоўчанкам і кіраўніком расійскага ўрада Міхаілам Мішусціным наведваў беларускую экспазіцыю на выставе «ІНАПРАМ-2023» у Екацярынбургу, дзе Беларусь выступала генеральным партнёрам.
Удзел у міжнародным прамысловым форуме «ІНАПРАМ. Казахстан» прымуць і беларускія вытворцы — на выставе будзе прадстаўлена экспазіцыя Made in Belarus.
Як адзначаюць прадстаўнікі беларускай дэлегацыі, «ІНАПРАМ» у Казахстане — гэта яшчэ адна магчымасць прэзентаваць свае тэхналогіі і інавацыі ў прамысловасці, наладзіць новыя кантакты, выйсці на новыя рынкі. Так, па выніках удзелу беларусаў у выставе «ІНАПРАМ» у Екацярынбургу можна сказаць, што бізнес-пляцоўка дадзенага форуму вельмі эфектыўная. Гэта і прэзентацыя сваёй прадукцыі і тэхналогій, і новыя партнёры, і магчымасць выйсці на новы ўзровень прамкааперацыі.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».