Міністр замежных спраў Беларусі Сяргей Алейнік у Бішкеку прыняў удзел у пасяджэнні Савета міністраў замежных спраў СНД, перадае БелТА.
Мерапрыемства прайшло напярэдадні пасяджэння Савета кіраўнікоў дзяржаў. Саміт таксама адбудзецца ў Бішкеку, паколькі цяпер у Садружнасці старшынствуе Кыргызстан.
Генеральны сакратар СНД Сяргей Лебедзеў у пачатку пасяджэння СМЗС у вузкім складзе заявіў, што праект парадку дня мерапрыемства ўключае 20 пытанняў.
Пасля пасяджэння ў вузкім складзе кіраўнікі МЗС прадоўжылі сустрэчу ў пашыраным фармаце.
«На сустрэчы ў вузкім складзе міністры замежных спраў зацвердзілі парадак дня і рэгламент пасяджэння. Асноўны час кіраўнікі дэлегацый выкарысталі для адкрытага абмену меркаваннямі па актуальных пытаннях міжнароднага парадку дня і ўзаемадзеянні ў рамках СНД. Акрамя таго, у вузкім фармаце былі прыняты рашэнні аб узнагароджанні Ганаровым знакам Садружнасці Незалежных Дзяржаў і аб правядзенні чарговага пасяджэння СМЗС 12 красавіка 2024 года ў Мінску», — расказаў Сяргей Лебедзеў.
На пасяджэнні ў пашыраным фармаце ўдзельнікі заслухалі даклад па пытанні праекта плана мерапрыемстваў па падрыхтоўцы і святкаванні ў 2025 годзе ў Садружнасці 80-годдзя Перамогі ў Вялікай Айчыннай вайне.
Па выніках пасяджэння падпісаны шэраг дакументаў.
Прэв’ю: БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».