18 снежня ў Маскве прайшло пасяджэнне 65-й сесіі Парламенцкага сходу Саюза Беларусі і Расіі, у якім прынялі ўдзел члены Савета Рэспублікі: Валерый Бельскі, Дзмітрый Баскаў, Валерый Гайдукевіч, Аляксей Кушнарэнка, Ірына Ляўковіч, Сяргей Рачкоў, Таццяна Рунец, Сяргей Сівец, Андрэй Шышкін. Саюзныя парламентарыі разгледзелі праект бюджэту Саюзнай дзяржавы на 2024 год, змяненні ў Рэгламент Парламенцкага сходу, дапаўненні ў Дэкрэт Вышэйшага Дзяржаўнага Савета Саюзнай дзяржавы «Аб бюджэце Саюзнай дзяржавы на 2023 год», план-графік работы і план міжнароднай дзейнасці на будучы год. У рамках сесіі адбылася «ўрадавая гадзіна» на тэму «Міжрэгіянальнае і прыгранічнае супрацоўніцтва ў рамках Саюзнай дзяржавы».
З 15 па 17 снежня сенатары Ігар Гедзіч і Алег Дзячэнка прынялі ўдзел у міжнародным маніторынгу ходу падрыхтоўкі і правядзення датэрміновых парламенцкіх выбараў у Народную Скупшчыну Рэспублікі Сербія ў складзе місій міжнародных наглядальнікаў ад Парламенцкай Асамблеі АДКБ і ад Міжпарламенцкай Асамблеі дзяржаў — удзельніц СНД. Парламентарыі сустрэліся з Прэзідэнтам Сербіі Аляксандрам Вучычам, Старшынёй Парламента Сербіі Уладзімірам Орлічам, дэпутатамі Народнай Скупшчыны і прадстаўнікамі Сербскай народнай партыі. Сербскі бок падзякаваў міжнародным наглядальнікам, якія прыбылі ў Бялград з маніторынгавай місіяй, і падкрэсліў яе важнасць. Было адзначана, што сёння як ніколі важна працягваць бесперапыннае міжпарламенцкае супрацоўніцтва і падтрымліваць пастаянныя кантакты парламенцкіх груп сяброўства.
У Савеце Рэспублікі была арганізавана экскурсія для вучняў 11 класаў і гімназіі горада Пружаны Брэсцкай вобласці. Школьнікі сустрэліся са старшынёй Пастаяннай камісіі Савета Рэспублікі па рэгіянальнай палітыцы і мясцовым самакіраванні Міхаілам Русым. Сенатар расказаў аб гісторыі беларускага парламентарызму, фарміраванні, структуры і асноўных паўнамоцтвах Савета Рэспублікі, заканадаўчай і міжнароднай дзейнасці парламентарыяў. Размова ішла і аб тым, як мадэль дзяржаўнага ладу ўплывае на функцыі і паўнамоцтвы парламента, як фарміруецца і функцыянуе Савет Рэспублікі. Сенатар пазнаёміў прысутных з работай камісіі, якую ён узначальвае. Член Прэзідыума Савета Рэспублікі адзначыў актыўны ўдзел Маладзёжнага савета (парламента) пры Нацыянальным сходзе Рэспублікі Беларусь у прагрэсіўным руху развіцця Беларусі. Навучэнцы гімназіі дзяліліся меркаваннямі, задавалі пытанні.
Член Пастаяннай камісіі Савета Рэспублікі па заканадаўстве і дзяржаўным будаўніцтве, старшыня РГА «Белая Русь», старшыня Беларускай партыі «Белая Русь» Алег Раманаў у рамках рэспубліканскай дабрачыннай акцыі «Нашы дзеці» наведаў Слуцкі спецыялізаваны дом дзіцяці для дзяцей з арганічным паражэннем цэнтральнай нервовай сістэмы і парушэннем псіхікі. Удзельнікамі акцыі сталі актывісты Слуцкай раённай арганізацыі РГА «Белая Русь». Для гасцей была прадстаўлена навагодняя праграма з удзелам выхаванцаў дома дзіцяці.
Вераніка КАНЮТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
