Вы тут

Канцэпцыя міграцыйнай палітыкі зацверджана ў Беларусі


Канцэпцыя міграцыйнай палітыкі на 2024-2028 гады зацверджана ў Беларусі. Гэта прадугледжана пастановай Саўміна ад 23 студзеня 2024 года нумар 48, апублікаванай на Нацыянальным прававым інтэрнет-партале.


Адзначаецца, што мэта міграцыйнай палітыкі Беларусі — стварэнне ўмоў, якія забяспечваюць нацыянальную бяспеку, устойлівы эканамічны рост і павышэнне якасці жыцця грамадзян, дэмаграфічнае развіццё, абарону рынку працы і інтэграцыю ў рынак працы мігрантаў.

У дакуменце абазначаны асноўныя напрамкі міграцыйнай палітыкі, па якіх будзе ажыццяўляцца міжнароднае супрацоўніцтва ў гэтай сферы. Прадугледжваецца фарміраванне адзінай міграцыйнай прасторы Беларусі і Расіі для дасягнення мэт Саюзнай дзяржавы, паглыбленне супрацоўніцтва па пытаннях міграцыі ў рамках Еўразійскага эканамічнага саюза, Арганізацыі Дагавора аб калектыўнай бяспецы, Садружнасці Незалежных Дзяржаў, развіццё міжнароднага супрацоўніцтва па пытаннях барацьбы з незаконнай міграцыяй.

У сферы аптымізацыі ўнутраных і знешніх міграцыйных патокаў плануецца ажыццяўленне палітыкі па добраахвотным перасяленні ў Беларусь на пастаяннае месца жыхарства асоб, якія «валодаюць падобнымі да народа краіны духоўнымі каштоўнасцямі і жадаюць інтэгравацца ў беларускае грамадства для рэалізацыі свайго інтэлектуальнага, культурнага і інвестыцыйнага патэнцыялу, а таксама беларусаў замежжа». У Беларусі гатовы ствараць умовы для адаптацыі і інтэграцыі мігрантаў, садзейнічаць міграцыі, звязанай з ажыццяўленнем інвестыцый, прадпрымальніцкай і інавацыйнай дзейнасцю, а таксама ў сферы адукацыі і падтрымкі акадэмічнай мабільнасці.

Кантроль за выкананнем пастановы ўскладзены на Міністэрства ўнутраных спраў, Камітэт дзяржаўнай бяспекі, Міністэрства працы і сацыяльнай абароны, Дзяржаўны пагранічны камітэт, Дзяржаўны мытны камітэт, Міністэрства замежных спраў, Міністэрства эканомікі, Міністэрства спорту і турызму, Міністэрства адукацыі, Міністэрства аховы здароўя і Нацыянальную акадэмію навук Беларусі ў адпаведнасці з кампетэнцыяй.

Прэв’ю: БелТА

Выбар рэдакцыі

Адукацыя

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

«Для таго, каб стаць падручнікам, матэрыялы, падрыхтаваныя аўтарамі, праходзяць шмат этапаў экспертызы, абмеркаванняў на дыялогавых пляцоўках з педагогамі, узгадненняў, апрабацыю ва ўстановах адукацыі». 

Рэгіёны

З чым едзе Брэстчына на сёлетні Форум рэгіёнаў

З чым едзе Брэстчына на сёлетні Форум рэгіёнаў

Вобласць падрыхтавала ладны пакет прапаноў удзельнікам форуму.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.