Беларусь прапрацоўвае ўдзел сваіх будаўнікоў у праектаванні і будаўніцтве аб’ектаў у Астраханскай вобласці. Пра гэта заявіў журналістам першы намеснік міністра архітэктуры і будаўніцтва Беларусі Алег Швец, перадае БелТА.
«Калі ў сферы тавараабароту будаўнічых матэрыялаў у нас пастаянны рост, добры поспех, мы разумеем далейшыя шляхі развіцця, то ў сферы паслуг ёсць пэўныя нюансы. Мы з калегамі абмяркоўвалі магчымасць удзелу беларускіх будаўнікоў у праектаванні і будаўніцтве аб’ектаў. Мы вызначылі пералік для праектавання, раён, дзе ў прынцыпе можам сумесна адпрацаваць пэўныя варыянты супрацоўніцтва. Так што спадзяюся, што ў гэтай сферы таксама будуць добрыя вынікі ў бліжэйшы час», — сказаў Алег Швец.
Паводле яго слоў, разглядаюцца праекты па будаўніцтве паліклінік, дзіцячых садкоў і школ, жылых раёнаў (пачынаючы з планіроўкі тэрыторый).
Беларуская ўрадавая дэлегацыя ўчора прыбыла з рабочым візітам у Астрахань. Прэм’ер-міністр Беларусі Раман Галоўчанка сустрэўся з губернатарам Астраханскай вобласці Ігарам Бабушкіным, бакі абмеркавалі перспектывы супрацоўніцтва. Таксама ў праграме візіту было наведванне прадпрыемстваў ТАА ПКФ «Дюна-АСТ», ТАА «БТ СВАП», ТАА «Гекса-Лотос».
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.