Вы тут

Урокі лідарства, шлях да мары і модныя колеры сезона


Алена Парчук: «Лідар — той, хто дапамагае развівацца іншым»

Начальнік адукацыйнага Цэнтра бяспекі жыццядзейнасці МНС Рэспублікі Беларусь, старшыня аб’яднанай арганізацыі МНС Беларускага саюза жанчын, пераможца рэспубліканскага конкурсу «Жанчына года — 2022» Алена Парчук расказала ў інтэрв’ю «Алесі» пра шматзадачнасць у сваёй працы, уменне матываваць супрацоўнікаў да прафесійнага росту і пра асабістыя якасці жанчыны-лідара. Запіс на заняткі ў Цэнтры, які ўзначальвае Алена Ігараўна, — на некалькі месяцаў наперад. 

— Аналагаў нашаму Цэнтру няма ні ў СНД, ні ў краінах Еўропы, — заўважае Алена Парчук. — Мэта адукацыйнага Цэнтра бяспекі жыццядзейнасці МНС Рэспублікі Беларусь — навучыць насельніцтва правілам бяспечных паводзін у розных надзвычайных сітуацыях. 

Алеся Кузняцова: «Не здрадзь сваёй мары» 

Летась у Выдавецкім доме «Звязда» выйшаў раман Алесі Кузняцовай «Калі трашчыць лёд», тысячны тыраж якога ўжо практычна распрададзены. Аўтар твора — прадзюсар арт-групы «Беларусы», генеральны дырэктар прадзюсарскага цэнтра «Залатыя галасы» Алеся Кузняцова шчыра распавяла чытачам «Алесі» пра шлях у літаратуру, пра кар’еру і сям’ю, а таксама пра тое, чаму не варта здраджваць сваёй мары.

— Як музычны прадзюсар, я праехала з канцэртамі тысячы гарадоў, даведалася багата розных гісторый — трагічных, камічных, сур’ёзных. На мой погляд, гісторыі людзей — самае цікавае ў свеце. Кніга напоўнена рэальнымі чалавечымі перажываннямі — магчыма, таму яна мела такі поспех, — адзначае Алеся Кузняцова. 

Клятва пра каханне

У юбілейны для «Алесі» год успамінаем тых, хто рабіў часопіс да нас. Гісторыя адной з супрацоўніц — Марыі Шыфрыной, якая працавала адказным сакратаром у «Работніцы і сялянцы», — гісторыя чалавека свайго часу, які прайшоў праз вялізныя выпрабаванні і захаваў у сабе дабрыню, сумленнасць, духоўную чысціню і здольнасць да высокіх пачуццяў.

Трое ў доме, калі не лічыць ката

Як разам ісці па жыцці, працаваць у адным тэатры і не надакучыць адно аднаму? Як творчую рэалізацыю ўдала сумяшчаць з сямейнымі клопатамі, выхаваннем дачкі? Як узбагачаць будзённасць святамі і неспадзеўкамі?

Пра гэта вы даведаецеся, прачытаўшы пра акцёрскі дуэт Сяргея Лапаніцына і Яны Хадановіч-Лапаніцынай.

Не прапусціць «першыя званочкі» хваробы

Узрост палохае не столькі зморшчынамі, колькі немачамі. Адзін з самых страшных дыягназаў для пажылых — дэменцыя. Якія асноўныя фактары развіцця гэтай паталогіі? Ці можна зменшыць верагоднасць яе з’яўлення і затармазіць яе, калі яна ўжо ёсць? Ці існуе прафілактыка? На гэтыя і іншыя пытанні адказвае загадчыца 2-га паліклінічнага аддзялення Мінскага гарадскога клінічнага цэнтра псіхіятрыі і псіхатэрапіі, урач-псіхіятр- нарколаг Алена Іванчанка.

Бурак — суперфуд

Што нядаўна высветлілі навукоўцы аб бураках? Чаму менавіта ім ставяць у заслугу медалі брытанскіх алімпійцаў? Як правільна гатаваць караняплоды і чаму самым карысным у бураках з’яўляецца іх сок? Пра гэта распавёў нейрахірург, навуковы супрацоўнік аддзялення пухлін галаўнога мозгу РНПЦ анкалогіі і медыцынскай радыялогіі імя М. М. Аляксандрава, выкладчык кафедры неўралогіі і нейрахірургіі Інстытута павышэння кваліфікацыі і перападрыхтоўкі кадраў аховы здароўя Беларускага дзяржаўнага медыцынскага ўніверсітэта Гумен Гарбаніджад.

Ад бураты да таната

«Алеся» расказвае чытачам, кухню якіх краін і народаў можна пакаштаваць сёння ў Беларусі ва ўстановах грамадскага харчавання. Часопіс знаёміць з некаторымі стравамі, іх гісторыяй і цікавымі фактамі пра іх. У лютаўскім нумары прадстаўлены кулінарныя традыцыі сонечнай Італіі.

Фэшн-індустрыя сталее, каляровая гама ўскладняецца

На якую палітру варта звярнуць увагу, набываючы адзенне і аксесуары ў гэтым годзе? Што трэба ўлічваць, папаўняючы гардэроб новымі для сябе адценнямі? Дызайнер, магістр мастацтвазнаўства, старшы выкладчык кафедры дызайну моды факультэта сацыякультурных камунікацый БДУ Марына Машэда падскажа нашым чытачам, як выглядаць у гэтым сезоне элегантна і сучасна.

Вольга ПАКЛОНСКАЯ

Выбар рэдакцыі

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.