Беларуская камунальная і дарожна-будаўнічая тэхніка запатрабавана на айчынным рынку і ў краінах-партнёрах. Пра гэта паведаміў сёння прэм’ер-міністр Раман Галоўчанка падчас рабочай паездкі ў Пінск, перадае БелТА.
У прыватнасці, Раман Галоўчанка наведаў сёння ЗАТ «Амкадор-Пінск», якое выпускае дарожна-будаўнічую, камунальную, снегаўборачную і землеройную тэхніку. Кіраўніка ўрада цікавілі перспектывы развіцця прадпрыемства і рэалізацыі імпартазамяшчальных праектаў.
«Вырабляем мы дастаткова, сумненняў няма. Тым больш, прадпрыемства пастаянна працуе над пашырэннем лінейкі продажаў. У нейкім плане яны перфекцыяністы. Стварылі машыну, паглядзелі, можна зрабіць лепш — і тут жа пачынаюць займацца наступнай. З аднаго боку — добра, з другога патрабуе вялікіх фінансавых укладанняў. Але ў цэлым лінейка і дарожнай, і камунальнай, і будаўнічай тэхнікі вельмі шырокая, у прынцыпе, пад любыя патрэбы», — заўважыў прэм’ер-міністр.
Ён падкрэсліў важнасць таго, што раней была захаваная айчынная вытворчасць, нягледзячы на заклікі аб адваротным. З вялікай доляй верагоднасці, гэтую нішу б занялі замежныя вытворцы. Беларуская ж тэхніка запатрабаваная. «Попыт на яе існуе не толькі ў нашай краіне. Рынак ЕАЭС — ключавая дэстынацыя для гэтай тэхнікі. На самай справе такая шырокая лінейка шмат у чым дапамагае сёння актыўна працаваць на рынках краін нашых партнёраў», — падкрэсліў Раман Галоўчанка.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».