Вы тут

«У самыя складаныя моманты краіна не выходзіла з-пад кантролю міліцыі»


У самыя складаныя моманты краіна ні на секунду не выходзіла з-пад кантролю міліцыі, адзначыў дзяржаўны сакратар Савета бяспекі Рэспублікі Беларусь Аляксандр Вальфовіч, выступаючы на ўрачыстым сходзе з нагоды 107-й гадавіны з дня ўтварэння міліцыі і прафесійнага свята супрацоўнікаў праваахоўных органаў краіны, які прайшоў у Палацы Рэспублікі, перадае БелТА.


Фота: БелТА

«Супрацоўнікі праваахоўных органаў выбралі патрэбную і высакародную прафесію, звязаную з пытаннямі забеспячэння правапарадку, прафесію ўсіх тых, хто лічыць служэнне свайму народу часткай свайго жыцця. І свята — гэта даніна лепшым традыцыям, назапашаным за 107 гадоў нашай міліцыяй, у тым ліку за 33 гады як міліцыі суверэннай дзяржавы. За ўвесь час існавання нашай краіны ў самыя рэзкія, складаныя моманты яна ні на секунду не выходзіла з-пад кантролю міліцыі і становішча заставалася стабільнай і кіраванай. Яркі і свежы прыклад у пацверджанне таму — Адзіны дзень галасавання, які нядаўна прайшоў у спакойнай, стабільнай, дружалюбнай атмасферы. І гэта паспяховая здача чарговага экзамену на сталасць, вернасць абавязку», — адзначыў Аляксандр Вальфовіч.

Дзяржсакратар таксама заявіў, што Дзень міліцыі ў Беларусі стаў усенародным, і гэта, на яго думку, з’яўляецца дэманстрацыяй стаўлення да людзей у пагонах, бо пытанні бяспекі і спакою хвалююць сёння большасць грамадзян.

«У цяперашніх умовах кіраўніцтвам краіны і МУС робіцца шмат што ў пытаннях удасканалення і развіцця структур Міністэрства ўнутраных спраў. Аднак сапраўдным здабыткам заўсёды былі, ёсць і будуць людзі, патрыёты і прафесіяналы свайго абавязку. Таму сёння трэба сказаць словы падзякі і радавому, і міністру, якія робяць усё, каб у нашай краіне быў спакой. Высокая грамадзянская пазіцыя, вернасць прысязе, служэнне Айчыне, адказнасць за бяспеку краіны — вось, што характарызуе сапраўднага міліцыянера», — расказаў Аляксандр Вальфовіч.

Дзяржаўны сакратар падкрэсліў заслугі ветэранаў-праваахоўнікаў, хто будаваў і ўдасканальваў структуру МУС, быў прыкладам служэння Айчыне, хто і сёння застаецца ў страі і перадае вопыт маладому пакаленню.

«У святочны дзень нельга не сказаць дзякуй людзям, якія забяспечваюць надзейны тыл, — маці, жонкам, мужам. Апошнім таму, што сярод міліцыянераў шмат цудоўных жанчын у пагонах, таксама прафесіяналаў сваёй справы. Супрацоўнікі міліцыі павінны ведаць, што беларускі народ верыць і спадзяецца на іх», — рэзюмаваў Аляксандр Вальфовіч.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?