Кіраўнік беларускай дзяржавы Аляксандр Лукашэнка прысутнічаў на дабрачынным фестывалі «Аліна»-2024, які прысвечаны дружбе народаў. Мерапрыемства ўпершыню праходзіць у Беларусі, перадае БелТА.
У шоу пад купалам «Мінск-Арэны» бяруць удзел вядомыя гімнасткі Дзіна і Арына Аверыны, Кацярына Селязнёва і Дар’я Трубнікава, а таксама знакамітыя артысты Рагда Ханіева, Наталля Падольская, Руслан Аляхно. Вядучы фестывалю — Дзмітрый Губерніеў.
Сярод удзельнікаў гімнасткі з 12 краін: Азербайджана, Арменіі, Беларусі, Гватэмалы, Казахстана, Кітая, Кубы, Кыргызстана, Мексікі, Расіі, Сербіі і Узбекістана. Агульная колькасць удзельнікаў фестывалю — каля 300 чалавек.
Спартыўнае свята сабрала каля 5 тыс. запрошаных гасцей. Гэта дзеці, якія займаюцца ў секцыях мастацкай гімнастыкі і сумежных відах спорту, як, напрыклад, фігурнае катанне, а таксама бацькі юных спартсменаў.
Акрамя таго, на трыбуны «Мінск-Арэны» запрасілі каля 700 дзяцей з мінскіх дзіцячых дамоў.
Фестываль «Аліна» — адзін з самых маштабных праектаў Дабрачыннага фонду Аліны Кабаевай. Ён праводзіцца з 2009 года. Галоўная мэта дабрачыннага свята, якое аб’ядноўвае сотні юных спартсменаў з Расіі і іншых краін, — папулярызацыя дзіцяча-юнацкага спорту, у прыватнасці мастацкай гімнастыкі. Фонд бярэ на сябе ўсе выдаткі.
У 2024 годзе фестываль упершыню праходзіць у дзвюх краінах. 2 сакавіка ён прайшоў у Акадэміі мастацкай гімнастыкі «Нябесная грацыя» Аліны Кабаевай на федэральнай тэрыторыі «Сірыус», а зараз спартыўнае свята прымае Мінск. Для гледачоў падрыхтаваны больш за дзесятак маляўнічых нумароў.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
