Лукашэнка ўганараваў дэпутатаў і сенатараў дзяржаўнымі ўзнагародамі

За плённую дзяржаўную і грамадскую дзейнасць, значны асабісты ўклад у развіццё заканадаўства і парламентарызму дзяржаўных узнагарод удастоены дэпутаты Палаты прадстаўнікоў і члены Савета Рэспублікі. Адпаведны ўказ № 99 Прэзідэнт Беларусі Аляксандр Лукашэнка падпісаў 18 сакавіка, паведамляе БелТА са спасылкай на прэс-службу кіраўніка дзяржавы.

Ордэна Айчыны I ступені ўдастоены старшыня Палаты прадстаўнікоў Уладзімір Андрэйчанка. Намеснік старшыні Пастаяннай камісіі па нацыянальнай бяспецы Палаты прадстаўнікоў Аляксандр Маркевіч узнагароджаны ордэнам Пашаны.

У ліку ўзнагароджаных медалём «За працоўныя заслугі» — намеснік старшыні Пастаяннай камісіі па жыллёвай палітыцы і будаўніцтве Палаты прадстаўнікоў Аксана Гайдук, член Пастаяннай камісіі па пытаннях экалогіі, прыродакарыстання і чарнобыльскай катастрофы Палаты прадстаўнікоў Тамара Даўгашэй, намеснік старшыні Пастаяннай камісіі Савета Рэспублікі па рэгіянальнай палітыцы і мясцовым самакіраванні, дырэктар гімназіі № 13 Мінска Марына Ільіна, намеснік старшыні Пастаяннай камісіі па адукацыі, культуры і навуцы Палаты прадстаўнікоў Алена Калеснёва.

Медаля «За працоўныя заслугі» таксама ўдастоены старшыня Пастаяннай камісіі па прамысловасці, паліўна-энергетычным комплексе, транспарце і сувязі Палаты прадстаўнікоў Ігар Камароўскі, старшыня Пастаяннай камісіі па працы і сацыяльных пытаннях Палаты прадстаўнікоў Людміла Канановіч, намеснік начальніка сакратарыята Палаты прадстаўнікоў Ігар Лапша, намеснік старшыні Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Валянціна Ражанец, старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў і старшыня Пастаяннай камісіі Савета Рэспублікі па эканоміцы, бюджэце і фінансах Таццяна Рунец.

Намеснік старшыні Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Лілія Ананіч, старшыня Пастаяннай камісіі па пытаннях экалогіі, прыродакарыстання і чарнобыльскай катастрофы Палаты прадстаўнікоў Мікалай Васількоў, начальнік аддзела па падрыхтоўцы законапраектаў і ўзаемадзеянні з пастаяннай камісіяй па дзяржаўным будаўніцтве, мясцоваму самакіраванню і рэгламенту Сакратарыята Палаты прадстаўнікоў Таццяна Корзун і старшыня Пастаяннай камісіі па бюджэце і фінансах Палаты прадстаўнікоў Людміла Ніжэвіч узнагароджаны медалём «За бездакорную службу» III ступені.

Указам таксама прысвоены ганаровыя званні Рэспублікі Беларусь. Так, старшыня Пастаяннай камісіі па адукацыі, культуры і навуцы Палаты прадстаўнікоў Ігар Марзалюк удастоены ганаровага звання «Заслужаны работнік адукацыі Рэспублікі Беларусь». Старшыні Пастаяннай камісіі па ахове здароўя, фізічнай культуры, сямейнай і маладзёжнай палітыцы Палаты прадстаўнікоў Людміле Макарынай-Кібак прысвоена ганаровае званне «Заслужаны ўрач Рэспублікі Беларусь», а старшыні Пастаяннай камісіі Савета Рэспублікі па рэгіянальнай палітыцы і мясцовым самакіраванні Міхаілу Русаму — ганаровае званне «Заслужаны работнік сельскай гаспадаркі Рэспублікі Беларусь».