Начальнік сакратарыята УНС: Яны будуць прымаць сур’ёзныя рашэнні

Начальнік сакратарыята Усебеларускага народнага сходу Валерый Міцкевіч расказаў, якімі павінны быць дэлегаты УНС, паведамляе БелТА.

«Гэта павінны быць людзі з актыўнай грамадзянскай пазіцыяй. Гэта павінны быць людзі, якія бачылі жыццё, таму што тыя рашэнні, якія будуць прымацца, — вельмі сур’ёзныя, і да іх прыняцця трэба падыходзіць вельмі ўзважана. І часта кожнаму дэлегату неабходна будзе звяртацца да свайго вопыту і сваёй жыццёвай пазіцыі», — сказаў Валерый Міцкевіч.

УНС фарміруецца з прадстаўнікоў трох галін улады: заканадаўчай, судовай і выканаўчай, дадаў начальнік упраўлення канстытуцыйнага і міжнароднага права Нацыянальнага цэнтра заканадаўства і прававых даследаванняў Ігар Галубіцкі. «Плюс дэлегаты ад мясцовых саветаў дэпутатаў і грамадзянскай супольнасці. Такі прадстаўнічы склад», — падкрэсліў ён.

«Мясцовыя саветы дэпутатаў — гэта людзі, якія ўжо атрымалі падтрымку насельніцтва. У дэлегаты УНС будуць выбраны самыя дастойныя з тых, хто трапіў у мясцовыя саветы, — адзначыў Ігар Галубіцкі. — Калі гаварыць аб грамадзянскай супольнасці, то гэта найбольш шматлікія грамадскія аб’яднанні, колькасцю больш за 100 тыс. З шэрагаў такіх грамадскіх аб’яднанняў будуць вылучацца кандыдаты, прадстаўнікі ў УНС. Будуць разглядацца іх біяграфіі, іх справы, будуць меркаваць па тым, наколькі яны паспяховыя людзі, каб прадстаўляць інтарэсы такіх маштабных, буйных арганізацый на гэтым высокім узроўні. гэта вышэйшы прадстаўнічы орган. Адназначна там будуць годныя людзі, таму што сама працэдура абрання ў гэты орган — працэдура абрання лепшых з лепшых».