З 2014 года акцыю арганізуе і праводзіць Беларускае таварыства паляўнічых і рыбаловаў.
Грамадскае мерапрыемства праходзіць не столькі з мэтай збору смецця на берагах нашых азёр, рэк, вадасховішчаў (для гэтага ёсць спецыяльныя службы), колькі для таго, каб паказаць, што ўсе разам павінны задумацца аб прыродзе.
У суботу ў Пятровічскім вадасховішчы супрацоўнікі таварыства прайшлі каля трох кіламетраў і сабралі больш за трыццаць мяхоў смецця. На гэтым месцы збор праходзіць ужо чацвёрты год, і з кожным разам становіцца менш, але, нажаль, не на шмат.
Акцыя будзе праходзіць да 4 мая ўключна. Для таго, каб прыняць удзел у акцыі, дастаткова звярнуцца па месцы жыхарства ў раённую арганізацыйную структуру Беларускага таварыства паляўнічых і рыбаловаў, дзе паведамяць пра месца і час яе правядзення, а таксама выдадуць усё неабходнае.
За час правядзення акцыі «Чысты вадаём» сіламі супрацоўнікаў таварыства сумесна з прадстаўнікамі іншых арганізацый і проста неабыякавымі грамадзянамі прыведзена ў парадак больш як 3 тысячы кіламетраў берагавой лініі вадаёмаў і вадацёкаў краіны. У ёй прыняло ўдзел больш за 25 тысяч чалавек, было сабрана і вывезена каля 4 тысяч кубічных метраў смецця.
Фота Марыны БЕГУНКОВАЙ, Мінская вобласць
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».