Амерыканская поп-спявачка Беёнсэ ў Новым Арлеане набыла для сябе царкву». (З паведамленняў СМІ ў апошнія дні мая 2018 года.)
— А ты набыў сабе царкву?
Тады спяшайся, бо раскупяць!
Усе зямляне помніць мусяць,
Што пра страшэнны суд не хлусяць,
Дарма не дураць галаву...
Дарэчы, выпадак не рэдкі —
Купляюць храмы, суддзяў, сведкаў,
І тэлешоу і газеткі —
Каб зручна скрыць грашкі свае.
І хтось багата зарабляе —
Прадаючы білет да Раю,
Сам на зямлі ў раі жыве.
А я прыгадваю бабулю
З маленькай вёсачкі, адкуль я
Ў маленстве бегаў да ракі.
Яна усім казала ў скрусе:
— Пайду ў царкву ды памалюся
Пра ўсіх людзей, за іх грахі...
Калі існуе рай гасподзен,
То там мая бабуля ходзіць
Сярод вяргіняў і лілей.
Яна за нас усіх маліла
І пешкам у царкву хадзіла
Сярод бязлітасных завей.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».