Краіна мацуецца кнігай

Гэтымі днямі галоўная кніжніца Беларусі прымае гасцей з многіх дзяржаў.

У Нацыянальнай бібліятэцы пад патранатам Міністэрства культуры праходзіць V Міжнародны кангрэс «Бібліятэка як феномен культуры». У гэтым прадстаўнічым форуме бяруць удзел спецыялісты галіны з Беларусі, Азербайджана, Польшчы, Расіі, ЗША і Украіны. Невыпадкова тэмай кангрэса стала камфортнае асяроддзе бібліятэк, а таксама новыя тэхналагічныя і тэхнічныя сродкі, што маюць на мэце дапамогу ў карыстанні кніжнымі фондамі. Адмыслова для кангрэса ў Нацыянальнай бібліятэцы падрыхтавана выстаўка «Бібліятэкі будучыні: тэхналогіі, будынкі, абсталяванне». Тут прадстаўлены найноўшыя дасягненні ў галіне тэхнічнага абсталявання бібліятэк. Так, беларускай кнізе ўжо больш як паўтысячы гадоў, але разам з тым галіна імкнецца ісці ў нагу з часам.

Фота Кастуся ДРОБАВА