Кола пытанняў, якія былі абмеркаваны на сустрэчы з калектывам РАУС і насельніцтвам у Хойніцкім цэнтры культуры падчас асабістага прыёму грамадзян старшынёй раённага Савета дэпутатаў Галінай Бондар, значнае.
Як паведамляе раённая газета «Хойніцкія навіны», на сустрэчы з супрацоўнікамі райаддзела ўнутраных спраў старшыня райсавета акцэнтавала ўвагу на рэалізацыі нормаў Дэкрэта «Аб садзейнічанні занятасці насельніцтва», заклікала супрацоўнікаў РАУС, якія, як ніхто іншы, шчыльна ўзаемадзейнічаюць з насельніцтвам, актыўней растлумачваць грамадзянам неабходнасць працаўладкавацца, а таксама даваць інфармацыю, куды можна звярнуцца па садзейнічанне ў пошуку рабочага месца.
Сярод агучаных пытанняў — паляпшэнне якасці вады ў населеным пункце Судкова. Як растлумачыў прадстаўнік камунальнай службы, крыху дапамагае прамыўка водаправодных сетак. Аднак большы вынік будзе мець будаўніцтва станцыі абезжалезвання. Дарэчы, да 2025 года дзейнічае праграма «Чыстая вада», у межах якой і плануецца будаўніцтва такой станцыі ў Хойніцкім раёне.
Падчас прыёмаў прагучалі скаргі на адсутнасць асвятлення па вуліцы Берагавога (адпаведнай службе КЖУП «Хойніцкі камунальнік» даручана аператыўна вырашыць пытанне), на недастаткова гарачую, а то і ўвогуле адсутнасць гарачай вады па адрасе: Карла Маркса, 10 (камунальнікі пачалі ўстанаўліваць помпы, праблема будзе знята).
У Хойніках у цэнтры культуры прайшла прыём-сустрэча дэпутацкага корпуса і членаў пастаянна дзеючай камісіі па каардынацыі работы па садзейнічанні занятасці насельніцтва з жыхарамі. Усе мелі магчымасць задаць пытанні, атрымаць кансультацыю наконт работы камісіі, рэалізацыі нормаў Дэкрэта «Аб садзейнічанні занятасці насельніцтва».
«Прыходзьце ў прыёмны дзень», — такое даволі няветлівае пажаданне пачула хайнічанка ў адным з кабінетаў упраўлення па працы, занятасці і сацыяльнай абароне райвыканкама, куды звярнулася, каб атрымаць даведку аб налічанай пенсіі. «Аднак жа ніякага распарадку дня, якіх-небудзь прыёмных часоў не ўказана. Ды і ўвогуле, якія могуць быць прыёмныя дні ў службе, якая ажыццяўляе сацыяльную абарону грамадзян?» — не разумее жанчына.
Таксама на сустрэчы растлумачылі алгарытм выключэння са спісаў грамадзян працаздольнага ўзросту, якія не занятыя ў эканоміцы: куды і да якога часу неабходна звяртацца, якія дакументы трэба падаваць.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
