Спробу незаконнага ўвозу кавы ў Беларусь спынілі супрацоўнікі Гродзенскай рэгіянальнай мытні ў пункце пропуску "Брузгі". 35-гадовы жыхар абласнога цэнтра вяртаўся з Польшчы на легкавым аўтамабілі Audi А6. Транспартны сродак праязджаў па «зялёным» калідоры. Гаспадар аўтамабіля растлумачыў, што перавозіць толькі прадукты харчавання агульнай вагой крыху больш за 11 кілаграмаў.
Мытнікі вырашылі праверыць машыну больш старанна і накіравалі яе на дагляд. Пры дэталёвым аглядзе ў спінках сядзенняў аўтамабіля, а таксама ў яго паліўным баку выявілі каля 60 пачкаў кавы розных найменняў. Таксама знойдзены і іншай схаваны ад старонніх вачэй тавар. Усяго - амаль 35 кілаграмаў.
Галоўны інспектар аддзела ідэалагічнай работы Гродзенскай рэгіянальнай мытні Юлія Раманюк патлумачыла:
- Улічваючы колькасць тавару і яго характар, ён не можа быць аднесены да тавару для асабістага карыстання. Па выяўленым парушэнні мытняй пачаты адміністрацыйны працэс у адпаведнасці з часткай 2 артыкула 14.1 Кодэкса аб адміністрацыйных правапарушэння. Санкцыя артыкула прадугледжвае канфіскацыю транспартнага сродку. Незаконна тавар і аўтамабіль, як сродак здзяйснення правапарушэння, канфіскаваныя да рашэння суда.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
