Як паведаміў афіцыйны прадстаўнік Брэсцкай пагранічнай групы Сяргей ДЗМІТРЫЕЎ, спынена спроба незаконнага перамяшчэння праз граніцу буйной партыі ялавічыны.
Брэсцкія вартавыя мяжы заўважылі падазроныя аўтамабілі, якія рухаліся ў Маларыцкім раёне ў памежнай паласе. У адказ на патрабаванне супрацоўнікаў пагранічнай службы спыніцца кіроўцы, наадварот, прыбавілі газу. Вайскоўцам давялося прымяніць зброю. Пасля гэтага тры транспартныя сродкі былі затрыманыя. У салонах і багажніках машын аказалася 44 тушы буйной рагатай жывёлы. Жыхары Маларыцкага раёна спрабавалі ўвезці тавар з Украіны ў Беларусь у абход пунктаў пропуску. Зразумела, што гэтая прадукцыя не прайшла ветэрынарнага і санітарнага кантролю.
Цяпер парушальнікам давядзецца адказваць у адпаведнасці з законам. Ім пагражаюць даволі буйныя штрафы.
Святлана ЯСКЕВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?