На Беларусі загінула ад 700 да 800 тысяч яўрэяў.
На іх прысутнічалі прадстаўнікі грамадскіх арганізацый, дыпламатычных місій, розных канфесій, а таксама былыя вязні і сведкі жахлівых падзей, якія адбываліся ў гады Вялікай Айчыннай вайны. Пачалося ўсё з запальвання свечак у Рэлігійным аб'яднанні абшчын прагрэсіўнага іўдаізму. Кожная з шасці свечак нагадвала пра 6 мільёнаў яўрэяў, якія былі знішчаны падчас Халакосту (паўтара мільёна з іх — дзеці).
Пасля ўдзельнікі мерапрыемстваў наведалі мемарыял на вуліцы Сухой, прысвечаны ахвярам Мінскага гета, і выстаўку Яд-Вашэм «Па наказе сэрца — Аспекты выратавання на акупаваных савецкіх тэрыторыях у гады Халакосту».
На Беларусі загінула ад 700 да 800 тысяч яўрэяў, больш за 100 тысяч з іх — у Мінскім гета. Таксама на нашай тэрыторыі было знішчана 25 тысяч заходнееўрапейскіх яўрэяў. Да гэтага часу вядуцца пошукі сведак, не заканчваюцца спробы аднавіць імёны і лёсы канкрэтных людзей. У адным з будынкаў на тэрыторыі былога гета, дзе падчас вайны хаваліся людзі, сёння працуе грамадскі музей — «Гістарычная майстэрня», у якім і адкрылася названая выстаўка.
Некаторыя школы актыўна супрацоўнічаюць з «Гістарычнай майстэрняй». На яе базе праводзяцца дыдактычныя і метадычныя заняткі для настаўнікаў, дзе падказваюць, якім чынам працаваць з тэмай Халакосту, рыхтуюцца выданні, якія расказваюць гісторыі вязняў канцлагераў, гета і ўсходніх рабочых. Так, некалькі месяцаў таму быў падрыхтаваны метадычны дапаможнік па гісторыі Мінскага гета, электронны варыянт якога размешчаны на партале Мінадукацыі, і кожны педагог мае магчымасць выкарыстоўваць гэтыя матэрыялы ў навучальным працэсе.
Алена ДЗЯДЗЮЛЯ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
