Пра крадзеж у міліцыю заявіў індывідуальны прадпрымальнік. Паводле яго слоў, знікла 173 пачкі прахалоднай прысмакі. У рукі да аматараў гэтага ласунку марозіва патрапіла шляхам пашкоджання халадзільніка, што месціцца каля аднаго з жылых дамоў па вуліцы Багатырова ў мікрараёне Білёва.
Міліцыянеры ўстанавілі фігурантаў “салодкай” справы. Як паведамляе група інфармацыі і грамадскіх сувязяў УУС Віцебскага аблвыканкама, імі былі чацвёра непаўналетніх жыхароў абласнога цэнтра, якія трапілі ў аб'ектыў камеры відэаназірання, размешчанай на суседнім доме. На кадрах -- сведчанні таго, як у спальным мікрараёне разгортваліся падзеі. Кампанія падлеткаў сарвала замок і спрытнымі рухамі рук адправіла змесціва халадзільніка ў пакет. 173 пачкі марозіва каштавалі больш за 320 рублёў.
Як высветлілася, падобным чынам падлеткі не ўпершыню ратаваліся ад спёкі. Падчас аператыўных мерапрыемстваў імі дадзены прызнальныя паказанні па факце здзяйснення крадзяжу ў іншым раёне горада.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
